கத்தியால் தாக்கி செல்போனை பறித்துச் சென்றவர் கைது

சென்னை:  கொளப்பாக்கம் பகுதியை சேர்ந்த முகமது அர்ஷத், வ/28, என்பவர் 09.6.2021 அன்று அதிகாலை நந்தம்பாக்கம், டாக்டர் எம்.ஜி.ஆர். கண்டோன்மென்ட் மேல்நிலை பள்ளி எதிரில் சென்று கொண்டிருந்தபோது,

அவ்வழியே இருசக்கர வாகனத்தில் வந்த 2 நபர்கள் முகமது அர்ஷத்தை வழிமறித்து, கத்தியால் தாக்கி அவர் வைத்திருந்த செல்போன் மற்றும் பணம் ரூ.750/- ஐ பறித்துக் கொண்டு தப்பிச் சென்றது தொடர்பாக, காவல் கட்டுப்பாட்டறைக்கு தகவல் கொடுத்தார். உடனே, S-4 நந்தம்பாக்கம் காவல் நிலைய இரவு ரோந்து காவல் ஆளிநர்கள் சம்பவ இடத்திற்கு விரைந்து சென்று விசாரணை செய்து, மேற்படி வழிப்பறி சம்பவத்தில் ஈடுபட்ட 1.ஆகாஷ், வ/20, அசோக்நகர், 2.அபி (எ) அபினாஷ், வ/21, திருவள்ளூர் மாவட்டம் ஆகிய 2 நபர்களை கைது செய்து, அவர்களிடமிருந்து 1 செல்போன், பணம் ரூ.750, 1 இருசக்கர வாகனம் மற்றும் 1 கத்தி ஆகியவை கைப்பற்றப்பபட்டது. மேலும் அவர்கள் மீது நீதிமன்ற நடவடிக்கை மேற்கொள்ளப்பட்டது.