சென்னை: மாதவரம் பகுதியைச் சேர்ந்த மணிகண்டன் (வ/29) என்பவர் 16.6.2021 அன்று மாலை தனது நண்பர்களுடன் சேர்ந்து மது அருந்திவிட்டு உடையார் தோட்டம், ஜடா முனீஸ்வரர் கோயில் எதிரே உள்ள மைதானம் அருகே நடந்து வந்து கொண்டிருந்த போது,
அங்கு வந்த நாகமுத்து என்பவர், மேற்படி மணிகண்டனிடம் தனக்கு தரவேண்டிய ரூ.150 பணத்தை தரும்படி கேட்டு தகராறு செய்து கத்தியால் தாக்கிவிட்டு அங்கிருந்து தப்பிச்சென்றுள்ளார்.
காயமடைந்த மணிகண்டன் சம்பவயிடத்திலே இறந்து விட்டா.ர் இது குறித்து கொலையுண்ட மணிகண்டனின் தாய் சாவித்திரி M1 மாதவரம் காவல் நிலையத்தில் கொடுத்த புகாரின் பேரில் வழக்கு பதிவு செய்யப்பட்டது.
M1 மாதவரம் காவல் நிலைய ஆய்வாளர் தலைமையிலான காவல் குழுவினர் விசாரணை செய்து மேற்படி கொலை வழக்கில் சம்பந்தப்பட்ட நாகமுத்து, (வ/23) மாதவரம் என்பவரை கைது செய்தனர்.அவரிடமிருந்த 1 கத்தி கைப்பற்றப்பட்டது. மேலும் மேற்படி குற்ற எதிரி மீது நீதிமன்ற நடவடிக்கை மேற்கொள்ளப்பட்டது.
