சென்னை: செங்குன்றம் பகுதியை சேர்ந்த வீரா (எ) வீரராகவன், வ/25 என்பவர் 19.06.2021 அன்று ஜோதி நகர் 4 வது தெருவின் அருகே நின்று கொண்டிருந்த போது, அங்கு வந்த 5 நபர்கள் மேற்படி வீரராகவனிடம் தகராறு செய்துள்ளனர். வீரராகவன் உடனே அவர் தனது நண்பர்களான கணேசன் மற்றும் கௌதமை சம்பவயிடத்திற்கு வரவழைத்துள்ளார்.
இருதரப்பினருக்குமிடையே நடந்த வாக்குவாதம் முற்றியதில் ஆத்திரமடைந்த மேற்படி நபர்கள் வீரராகவன் மற்றும் கௌதமை கத்தியால் தாக்கிவிட்டு அங்கிருந்து தப்பிச்சென்றுள்ளனர்.
காயமடைந்த இருவரும் மருத்துவமனையில் அனுமதிக்கப்பட்டு சிகிச்சை பெற்று வருகின்றனர். இது குறித்து கணேசன் M-4 செங்குன்றம் காவல் நிலையத்தில் கொடுத்த புகாரின் பேரில் வழக்கு பதிவு செய்து விசாரணை செய்யப்பட்டது.
M-4 செங்குன்றம் காவல் நிலைய ஆய்வாளர் தலைமையிலான காவல் குழுவினர் விசாரணை செய்து மேற்படி வழக்கில் சம்பந்தப்பட்ட 1.மணிகண்டன், வ/23, பாடியநல்லூர் 2.அப்துல் (எ) அப்துல்ரகுமான், வ/22, செங்குன்றம் 3. சஞ்சய், வ/18, சோழவரம் ஆகிய 3 நபர்களை கைது செய்தனர். அவர்களிடமிருந்து 2 கத்திகள் கைப்பற்றப்பட்டது. மேலும் அவர்கள்மீது நீதிமன்ற நடவடிக்கை மேற்கொள்ளப்பட்டது.
