சென்னை: கல்லுக்குட்டை பகுதியைச் சேர்ந்த ராஜபிரியன், (வ/25) என்பவர் 15.6.2021 அன்று இரவு துரைப்பாக்கம், அண்ணா நெடுஞ்சாலை பகுதியில் உள்ள காய்கறி கடை அருகே நடந்து வந்து கொண்டிருந்த போது, அங்கு குடிபோதையிலிருந்த 6 நபர்கள் மேற்படி ராஜபிரியனை வழிமறித்து வீண்தகராறு செய்து கத்தியால் தாக்கியுள்ளனர்.
காயமடைந்த ராஜபிரியன் மேற்படி சம்பவம் குறித்து J9 துரைப்பாக்கம் காவல் நிலையத்தில் கொடுத்த புகாரின் பேரில் வழக்கு பதிவு செய்யப்பட்டது.
J9 துரைப்பாக்கம் காவல் நிலைய ஆய்வாளர் தலைமையிலான காவல் குழுவினர் விசாரணை செய்து மேற்படி ராஜபிரியனை தாக்கிய 1.ஜாகீர், (வ/23) துரைப்பாக்கம் 2.பரத், (வ/23) துரைப்பாக்கம் ஆகிய இருவரை கைது செய்தனர்.
அவர்களிடமிருந்து 1 கத்தி மற்றும் 1 இருசக்கர வாகனம் கைப்பற்றப்பட்டது. மேற்படி வழக்கில் தொடர்புடைய இளஞ்சிறார் ஒருவரிடம் விசாரணை செய்து வருகின்றனர். மேற்படி வழக்கில் சம்பந்தப்பட்டு தலைமறைவாகியுள்ள சரண், ஜென், ரீட்டா ஆகிய 3 குற்றவாளிகளை போலீசார் தேடி வருகின்றனர். மேற்படி குற்ற எதிரிகள் மீது நீதிமன்ற நடவடிக்கை மேற்கொள்ளப்பட்டது.
