தூத்துக்குடி : தூத்துக்குடி மாவட்ட காவல் கண்காணிப்பாளர் அவர்கள் உத்தரவின்படி தூத்துக்குடி நகர காவல் துணை கண்காணிப்பாளர் திரு. சத்தியராஜ் மேற்பார்வையில் தாளமுத்துநகர் காவல் நிலைய ஆய்வாளர் திரு. மணிமாறன் தலைமையில் உதவி ஆய்வாளர் திரு. செல்வன், முதல் நிலைக் காவலர் திரு. பாலகுமார், காவலர்கள் திரு. மாதவன், திரு. மரியஜெகதீஷ் மற்றும் திரு. ஜான்சன் ஆகியோர் அடங்கிய தனிப்படை போலீசார் நேற்று (03.12.2022) ரோந்து பணியில் ஈடுபட்டபோது.
தாளமுத்துநகர் காவல் நிலைய எல்லைக்குட்பட்ட ஆனந்தநகர் பகுதியில் சந்தேகத்திற்கிடமான முறையில் நின்று கொண்டிருந்தவரை பிடித்து விசாரணை செய்ததில் அவர் அதே பகுதியைச் சேர்ந்த ராமகிருஷ்ணன் மகன் பொன் உதயா (21 என்பதும், கஞ்சா விற்பனையில் ஈடுபட்டதும் தெரியவந்தது. இதனையடுத்து மேற்படி தனிப்படை போலீசார் குற்றவாளி பொன் உதயாவை கைது செய்து அவரிடமிருந்து 6 கிராம் கஞ்சா, செல்போன், கத்தி மற்றும் ரூபாய் 2,100/- பணம் ஆகியவற்றையும் பறிமுதல் செய்தனர்.
