தஞ்சை : தஞ்சை மாவட்டம் பகுதியில் போதை பொருள் விற்பனையை தடுக்கும் வண்ணம் தஞ்சை சரக டிஐஜி திரு .பர்வேஷ் குமார் ஐபிஎஸ் அவர்களின் உத்தரவுபடி கூடுதல் காவல் கண்காணிப்பாளர் திரு. ஜெயச்சந்திரன் டிபிஎஸ் அவர்களின் மேற்பார்வையில் ஆய்வாளர் திரு. மணிவேல் மற்றும் உதவி ஆய்வாளர் திரு . ராஜேஷ் குமார், சிறப்பு உதவி ஆய்வாளர் திரு மோகன், தலைமை காவலர் இளையராஜா மற்றும் காவலர்கள் மதன்குமார், அழகு ஆகியோர் அடங்கிய தனிப்படை போலீசாருக்கு கடந்த சில நாட்களுக்கு முன் தஞ்சை சரகத்தில் உள்ள திருவிடைமருதூர் வட்டம் சோழபுரம் மற்றும் நாச்சியார்கோயில் பகுதிகளில் கஞ்சா வியாபாரம் நடைபெற்று வருவதாக ரகசிய தகவல் வந்தது .
அதனை தொடர்ந்து கஞ்ச விற்பனை செய்து வரும் கும்பலை தனிபடை போலீசார் தேடி வந்தார்கள் , இந்நிலையில் இன்று (20-8-2021) சோழபுரம் மற்றும் நாச்சியார்கோவில் பகுதியில் கஞ்சா விற்பனை செய்து வந்த ஏழு நபர்களை தனிபடை போலீசார் அதிரடியாக கைது செய்தார்கள் . மேலும் அவர்கள் வைத்திருந்த சுமார் 12 -கிலோ கஞ்சாவையும் கைப்பற்றி அவர்களிடம் தீவிர விசாரணை மேற்கொண்டு வருகிறார்கள்.
போலீஸ் நியூஸ் பிளஸ் செய்தியாளர்
