விழுப்புரம்: விழுப்புரம் மாவட்ட காவல் கண்காணிப்பாளர் அவர்களின் உத்தரவின் பேரில், திண்டிவனம் உட்கோட்ட தனிப்படை சிறப்பு உதவி ஆய்வாளர் திரு. அய்யப்பன், தலைமை காவலர் திரு. தீபன்குமார், மு.நி.கா. திரு.செந்தில்முருகன் ஆகியோர்கள் கடந்த 20.07.2024-ம் தேதி சென்னை-திருச்சி தேசிய நெடுஞ்சாலையில் மகேந்திரா பிக் அப் வேன் வாகனத்தை மடக்கி பிடித்து சோதனை மேற்கொண்டதில் அதில் சுமார் 258 கிலோ கஞ்சாவை பறிமுதல் செய்து மூன்று பேரை கைது செய்தனர்.
மேற்படி வழக்கில் திறமையாக செயல்பட்டு குற்றவாளிகளை கைது செய்ய உதவியாக இருந்த தனிப்படையினரை தமிழ்நாடு காவல்துறை தலைமை இயக்குநர்/படைத்தலைவர் அவர்கள் நேரில் அழைத்து வெகுமதி மற்றும் சான்றிதழ் வழங்கி பாராட்டினார்.
