சென்னை: சென்னை பெருநகர காவல் ஆணையாளர் திரு.சங்கர் ஜிவால், இ.கா.ப., அவர்களின் உத்தரவான “போதைக்கெதிரான தடுப்பு நடவடிக்கையான “DAD – DRIVE AGAINST DRUGS ” –ன் தொடர்ச்சியாக, M4 செங்குன்றம் காவல் நிலைய ஆய்வாளர் தலைமையிலான காவல் குழுவினருக்கு கிடைத்த ரகசிய தகவலின்பேரில், காவல் குழுவினர் 05.06.2021 அன்று காலை செங்குன்றம், மொண்டியம்மன் நகர் சோதனை சாவடி அருகில் கண்காணிப்பு பணியில் இருந்தனர்.
அப்போது, அவ்வழியே ஆட்டோவில் வந்த 2 நபர்களை நிறுத்தி விசாரணை செய்து ஆட்டோவை சோதனை செய்து, சட்டவிரோதமாக ஆட்டோவில் கஞ்சா கடத்தி வந்த 1.முகமது இக்பால், வ/40 தண்டையார்பேட்டை 2.கலியல் ரகுமான், வ/52 தண்டையார்பேட்டை, ஆகிய 2 நபர்களை கைது செய்தனர். அவர்களிடமிருந்து 9 கிலோ எடை கொண்ட கஞ்சா பொட்டலங்கள், மற்றும் 1 ஆட்டோ கைப்பற்றப்பட்டது. மேலும் அவர்கள்மீது நீதிமன்ற நடவடிக்கை மேற்கொள்ளப்பட்டது.
