விருதுநகர்: வன்னியம்பட்டி காவல்நிலைய சார்பு ஆய்வாளர் திரு.திவ்யா மற்றும் போலீசார், அந்தப்பகுதியில் தீவிர ரோந்து பணியில் ஈடுபட்டனர்.
அப்போது அந்தப்பகுதியில் உள்ள மாரியம்மன் கோவில் அருகே சந்தேகப்படும் வகையில் நின்றிருந்த பெண்ணிடம் விசாரித்து, போலீசார் சோதனை செய்தனர். அதே பகுதியைச் சேர்ந்த பேச்சியம்மாள் (53), என்பதும், மறைத்து வைத்து கஞ்சா விற்பனை செய்ததும் தெரியவந்தது.
மேலும் அவர் மறைத்து வைத்திருந்த 1 கிலோ கஞ்சாவை, போலீசார் கைப்பற்றி பறிமுதல் செய்தனர். கஞ்சா பதுக்கி வைத்திருந்த பேச்சியம்மாளை, போலீசார் கைது செய்தனர்.
