திருவண்ணாமலை : திருவண்ணாமலை மாவட்ட காவல் கண்காணிப்பாளர் மரு.கி.கார்த்திகேயன்,இ.கா.ப., அவர்களுக்கு கிடைத்த ரகசிய தகவலின்படி, செங்கம் மதுவிலக்கு அமலாக்கப் பிரிவு காவல் ஆய்வாளர் திருமதி.M.மலர் அவர்கள் தலைமையில் காவலர்கள் இணைந்து நடத்திய தேடுதல் வேட்டியில் சாத்தனூர் அணை காவல் நிலைய எல்லைக்குட்பட்ட தரடாப்பட்டு பேருந்து நிலையம் அருகே சந்தேகத்தின்பேரில் இரு நபர்களை மடக்கிப் பிடிக்க முயற்சித்த போது இருவரும் வாகனத்தை கீழே தள்ளிவிட்டு தப்பி ஓடி விட்டனர். பின்னர் அந்த இருசக்கர வாகனத்தை சோதனை செய்தபோது வாகனத்தில் 100 கிராம் எடையுள்ள கஞ்சா பாக்கெட்டுகள் கைப்பற்றப்பட்டன. மேலும் தலைமறைவான இரு நபர்களையும் காவல்துறையினர் வழக்குப்பதிவு செய்து தீவிரமாக தேடி வருகின்றனர்.
