கிருஷ்ணகிரி : கிருஷ்ணகிரி மாவட்டம், ஊத்தங்கரை அருகே உள்ள அனுமன் தீர்த்தம் பகுதி மெயின் ரோடில் சேகர் (52), என்பவருக்கு சொந்தமான நகை கடையில் நேற்று இரவு மர்ம நபர்கள் இந்த நகை கடையின் சுவற்றில் துளை போட்டு கடையில் இருந்த 25 கிலோ வெள்ளி மற்றும் 30 பவுன் தங்க நகை கொள்ளையடித்து சென்றுள்ளனர். இது குறித்து கடையின் உரிமையாளருக்கும், ஊத்தங்கரை போலீசாருக்கும் தகவல் தெரிவித்தனர்.
அதன் பேரில் போலீசார் சம்பவ இடத்திற்கு விரைந்து வந்தனர். கொள்ளை நடந்த நகை கடையை பார்வை இட்டனர். இந்த கடையில் இரவு நேரத்தில் மர்ம நபர்கள் கொள்ளையடித்து சென்றது தெரியவந்தது. இது குறித்து ஊத்தங்கரை போலீசார் வழக்கு பதிவு செய்து தனிப்படை அமைத்து கொள்ளையர்களை தேடி வருகின்றனர்.
கிருஷ்ணகிரியிலிருந்து நமது குடியுரிமை நிருபர்
திரு.S.அஸ்வின்
