தூத்துக்குடி: தூத்துக்குடி மாவட்டம் ஓட்டப்பிடாரம் காவல் நிலைய எல்லைக்குட்பட்ட பகுதியில் இளைஞர்களுக்கு உதவி ஆய்வாளர் திரு. முத்துராஜா அவர்கள், அறிவுரைகள் வழங்கி விழிப்புணர்வு – மாவட்ட காவல் கண்காணிப்பாளர் டாக்டர் எல். பாலாஜி சரவணன் அவர்கள், பாராட்டு. ஓட்டப்பிடாரம் காவல் நிலைய எல்லைக்குட்பட்ட குலசேகரநல்லூர் கிராமத்தில் ஸ்ரீ காளியம்மன் கோவிலில் கோவில் கொடை விழா நடைபெற்றது. இவ்விழாவை முன்னிட்டு (30.07.2023) கோவிலின் சார்பாக கிரிக்கெட் போட்டி நடைபெற்றது.
இந்த போட்டியில் கலந்து கொண்ட இளைஞர்களிடம் ஓட்டப்பிடாரம் காவல் நிலைய உதவி ஆய்வாளர் திரு. முத்துராஜா அவர்கள், தற்போது செல்போனில் அதிக நேரங்களை செலவிடாமல், உடலை ஆரோக்கியமாக வைத்துக் கொள்ள கபடி, கிரிக்கெட் போன்ற போட்டிகள் விளையாட வேண்டும் என்று இளைஞர்களுக்கு அறிவுரைகள் வழங்கி, போட்டியில் கலந்து கொண்ட 17 வீரர்களுக்கு பனியன்களை வழங்கி வீரர்களை ஊக்கப்படுத்தினார். மேற்படி இளைஞர்களுக்கு விழிப்புணர்வு ஏற்படுத்திய ஓட்டப்பிடாரம் காவல் நிலைய உதவி ஆய்வாளர் திரு. முத்துராஜா அவர்களை, மாவட்ட காவல் கண்காணிப்பாளர் டாக்டர் எல். பாலாஜி சரவணன் அவர்கள் பாராட்டினார்.
