திருநெல்வேலி : திருநெல்வேலி மாவட்டத்தில், குற்ற செயல்களை தடுக்கும் பொருட்டு மாவட்ட காவல் கண்காணிப்பாளர் திரு.சரவணன், இ.கா.ப அவர்கள் உத்தரவுபடி மாவட்ட காவல்துறையினர் தொடர்ந்து தீவிர வாகன சோதனை மற்றும் இருசக்கர வாகன ரோந்து போன்ற பாதுகாப்பு பணியில் ஈடுபட்டு வருகின்றனர். இந்நிலையில் மாவட்ட காவல் கண்காணிப்பாளர் அவர்கள் மாவட்டத்தில், இரவு ரோந்து மற்றும் வாகன தணிக்கை காவலர்களை ஆய்வு செய்யும் போது நாங்குநேரி பெரும்பத்து பகுதியில் இரவு நேர வாகன தணிக்கையில் முதல்நிலைக் பெண்காவலர் திருமதி.சீதாலட்சுமி, இரண்டாம்நிலை காவலர் திரு.மரியகுரோபி மற்றும் இருசக்கர ரோந்து காவலர் திரு.இசக்கிதுரை, ஆகியோர் பணியில் தொடர்ந்து சிறப்பாக செயல்பட்டு கொண்டிருந்தனர். மேற்படி இரவு ரோந்து பணியில் சிறப்பாக செயல்பட்ட காவல் குழுவினரை ஊக்குவிக்கும் விதமாக மாவட்ட காவல் கண்காணிப்பாளர் திரு.ப.சரவணன், இ.கா.ப அவர்கள் நேரில் அழைத்து வெகுமதி மற்றும் பரிசு வழங்கி பாராட்டினார்.
