தூத்துக்குடி : தூத்துக்குடி மாவட்ட காவல் கண்காணிப்பாளர் அவர்கள் உத்ரவின்படி கோவில்பட்டி காவல் துணை கண்காணிப்பாளர் திரு. வெங்கடேஷ் அவர்கள் மேற்பார்வையில் கோவில்பட்டி காவல் நிலைய ஆய்வாளர் திரு. கிங்ஸிலி தேவ் ஆனந்த் தலைமையில் உதவி ஆய்வாளர் திரு. அரிக்கண்ணன் மற்றும் போலீசார் (04.12.2022) ரோந்து பணியில் ஈடுபட்டபோது கோவில்பட்டி மேற்கு காவல் நிலைய எல்லைக்குட்பட்ட கோவில்பட்டி மெயின் ரோடு பகுதியில் இருசக்கர வாகனத்தில் சந்தேகத்திற்கிடமான முறையில் நின்று கொண்டிருந்தவர்களை பிடித்து விசாரணை செய்ததில் அவர்கள் கோவில்பட்டி மேல பாண்டவர்மங்கலம் பகுதியை சேர்ந்த பூலோகபாண்டியன் மகன் பாலகிருஷ்ணன் (26) மற்றும் கோவில்பட்டி பிள்ளையார் கோவில் தெருவை சேர்ந்த துரை மகன் அர்ஜுன் (22) ஆகியோர் என்பதும் அவர்கள் சட்டவிரோத விற்பனைக்காக இருசக்கர வாகனத்தில் கஞ்சா வைத்திருந்ததும் தெரியவந்தது. உடனே மேற்படி போலீசார் எதிரிகளான பாலகிருஷ்ணன் மற்றும் அர்ஜுன் ஆகிய 2 பேரையும் கைது செய்து அவர்களிடமிருந்த 25 கிராம் கஞ்சா மற்றும் இருசக்கர வாகனத்தையும் பறிமுதல் செய்தனர். மேலும் இதுகுறித்து கோவில்பட்டி மேற்கு காவல் நிலைய போலீசார் வழக்குபதிவு செய்து விசாரணை மேற்கொண்டு வருகின்றனர்.
