தூத்துக்குடி: தூத்துக்குடி மாவட்டம் தென்பாகம் காவல் நிலைய எல்லைக்குட்பட்ட பகுதியில் மதுபோதையில் இருசக்கர வாகனத்தை சேதப்படுத்தி கொலை மிரட்டல் விடுத்தவர் கைது.
தூத்துக்குடி தாமோதரன்நகரை சேர்ந்த டென்னிஸ் ராஜ் மகன் யோகேஸ்வரன் 24. என்பவர் கடந்த 24.10.2022 அன்று தென்பாகம் காவல் நிலைய எல்லைக்குட்பட்ட முனியசாமிபுரம் அம்பேத்கர் காலனி பகுதியில் இருசக்கர வாகனத்தில் வந்து கொண்டிருந்த போது தூத்துக்குடி முனியசாமிபுரம் பகுதியைச் சேர்ந்த கருப்பசாமி மகன் பிரதீப் 20, தூத்துக்குடி போல்டன்புரம் பகுதியைச் சேர்ந்த மைக்கேல் வின்சென்ட் பால் மகன் தினேஷ் அந்தோணி பால் 25. ஆகியோர் மதுபோதையில் யோகேஸ்வரனை வழிமறித்து தகராறு செய்து கொலை மிரட்டல் விடுத்ததுடன் அவரது இருசக்கர வாகனத்தையும் சேதப்படுத்தியுள்ளனர்.
இதுகுறித்து யோகேஸ்வரன் அளித்த புகாரின் பேரில் தென்பாகம் காவல் நிலைய உதவி ஆய்வாளர் திரு. சிவக்குமார் வழக்கு பதிவு செய்து எதிரிகள் பிரதீப் மற்றும் தினேஷ் அந்தோணி பால் ஆகிய இருவரையும் கைது செய்தார். மேலும் இதுகுறித்து தென்பாகம் காவல் நிலைய போலீசார் விசாரணை மேற்கொண்டு வருகின்றனர்.
