திருவள்ளூர் : மீஞ்சூர் அரியன் வாயல் பகுதியில் அரசு பள்ளிகளில் மாணவர் சேர்க்கைக்கான விழிப்புணர்வு பேரணி அரியன் வாயல் ஊராட்சி ஒன்றிய நடுநிலைப்பள்ளி சார்பில் நடைபெற்றது. பள்ளியின் தலைமை ஆசிரியர் மாலா தலைமையில் நடைபெற்ற இப்பேரணிக்கு வார்டு உறுப்பினர் அபுபக்கர், பள்ளி மேலாண்மை குழு தலைவர் பாத்திமா முன்னிலை வகித்தனர். இதில் சிறப்பு அழைப்பாளராக திரைப்பட இயக்குநர் கோபி நயினார் வியாபாரிகள் சங்க செயலாளர் சேக் அகமது, கலந்து கொண்டு அரசு பள்ளியில் மாணவர்கள் சேர்க்கைக்காண விழிப்ப்ணர்வு பிரச்சாரம் செய்தனர். இப்பேரணி அபுல் கலாம் ஆசாத் மூன்று தெருக்கள்,ஜெயலட்சுமி நகர்,ஜெகன் நகர், இளங்கோ நகர், உள்ளிட்ட பகுதிகளில் நடைபெற்றது. இதில் அரசு பள்ளியில் சேர்ப்பதற்கான விழிப்புணர்வு கோஷங்களும் துண்டறிக்கைகளும் வழங்கப்பட்டன. இதில் பள்ளி ஆசிரியர்கள்,பள்ளி மேலாண்மை குழு உறுப்பினர்கள் பாரூக் தஸ்தகீர் அசாருத்தின் முபீன் சாகுல் ஹமித் பக்கிர் மொய்தின் உள்ளிட்ட பலர் கலந்து கொண்டனர்.
திருவள்ளூரில் இருந்து குடியுரிமை நிருபர்
திரு. பாபு
