திருநெல்வேலி : திருநெல்வேலி மாவட்ட காவல் கண்காணிப்பாளர் திரு.நெ.மணிவண்ணன் இ.கா.ப அவர்கள், கொரோனா தடுப்பு நடவடிக்கைகளை கடைபிடிக்க மாவட்ட காவல்துறையினர் அனைவரும் உறுதிமொழி எடுக்குமாறு உத்தரவிட்டுள்ளார். இதனடிப்படையில் இன்று அனைத்து காவல் நிலையங்களிலும் காவல் அதிகாரிகள் மற்றும் ஆளிநர்கள் ஒன்றிணைந்து, முகக்கவசம் அணிவது, சமூக இடைவெளியை பின்பற்றுவது, அடிக்கடி கைகளை சோப்பால் சுத்தம் செய்வது போன்ற முன்னெச்சரிக்கை நடவடிக்கைகளை கடைப்பிடித்து, கொரோனா நோய் தொற்றுக்கு (Covid_19) எதிராக ஒன்றிணைந்து போராடுவோம், என உறுதிமொழி எடுத்துக்கொண்டனர்.
