தூத்துக்குடி: தூத்துக்குடி மாவட்ட காவல் கண்காணிப்பாளர் அவர்கள் உத்தரவின்பேரில் ஸ்ரீவைகுண்டம் காவல் துணை கண்காணிப்பாளர் திரு. மாயவன் மேற்பார்வையில் குரும்பூர் காவல் நிலைய ஆய்வாளர் (பொறுப்பு) திரு. ராமகிருஷ்ணன், உதவி ஆய்வாளர் திரு. முத்துகிருஷ்ணன் மற்றும் சிறப்பு உதவி ஆய்வாளர் திரு. குணசேகரன் தலைமையிலான ஸ்ரீவைகுண்டம் உட்கோட்ட தனிப்படை போலீசார் ஆகியோர் இன்று (22.11.2022) ரோந்து பணியில் ஈடுபட்ட போது குரும்பூர் காவல் நிலைய எல்லைக்குட்பட்ட சொக்கப்பழங்கரை மயானம் அருகே உள்ள தாமிரபரணி ஆற்று படுகையில் வடக்கு கோட்டூர், திருதோப்பு தெருவைச் சேர்ந்த லாசர் மகன் நாகராஜன் 26. மற்றும் சிலர் சட்டவிரோதமாக அனுமதியின்றி டிப்பர் லாரியில் ஆற்று மணல் திருடியது தெரியவந்தது.
உடனே மேற்படி போலீசார் எதிரி நாகராஜனை கைது
செய்து, திருடுவதற்கு பயன்படுத்தப்பட்ட TN 74 K 7720 (TATA 407) என்ற டிப்பர் லாரியையும் ½ யூனிட் ஆற்று மணலையும் பறிமுதல் செய்தனர்.
இதுகுறித்து குரும்பூர் காவல் நிலைய போலீசார் வழக்குப்பதிவு செய்து விசாரணை மேற்கொண்டு வருகின்றனர்.
