விழுப்புரம் : கடந்த (03.02. 2023) அன்று தெலுங்கானா மாநிலம் ஹைதராபாத்தில் நடைபெற்ற தடகளம் மற்றும் நீச்சல் போட்டிகளில் விழுப்புரம் ஆயுதப்படை துணை காவல் கண்காணிப்பாளர் திரு.கனகராஜ் மற்றும் ஆய்வாளர் திரு முத்துக்குமரன், ஆகிய இருவரும் பங்கு பெற்று துணை காவல் கண்காணிப்பாளர் திரு. கனகராஜ் நீச்சல் போட்டியில் நான்கு (இரண்டு தங்கம் மற்றும் இரண்டு வெள்ளி) பதக்கங்களை பெற்றுள்ளார். ஆயுதப்படை ஆய்வாளர் திரு முத்துக்குமரன் அவர்கள் 100 மீட்டர் ஓட்டப்பந்தயத்தில் முதல் இடம் பெற்று தங்கம் பதக்கமும் பெற்றுள்ளார். மேற்கண்ட இருவரும் தமிழக காவல்துறை தலைமை இயக்குனர் திரு. சைலேந்திரபாபு IPS., அவர்களிடம் பதக்கங்களை காண்பித்து பாராட்டு பெற்று திரும்பினார்.
மேலும் விழுப்புரம் சரக காவல்துறை துணைத் தலைவர் திரு.பாண்டியன் IPS., அவர்களிடம் மற்றும் மாவட்ட காவல் கண்காணிப்பாளர் திரு ஸ்ரீநாதா IPS., அவர்களிடம் பதக்கங்களை காண்பித்து வாழ்த்து பெற்றனர்.
