அரியலூர் : அரியலூர் மாவட்டம் விக்கிரமங்கலம் உதவி ஆய்வாளர் திரு. வேல்முருகன், மற்றும் காவல் துறையினர், கோவிந்தபுத்தூர் பகுதியில் ரோந்து பணியில் ஈடுபட்டனர். அப்போது மது விற்கப்படுவதாக கிடைத்த ரகசிய தகவலின்பேரில், கோவிந்தபுத்தூர் தெற்கு தெருவை சேர்ந்த ராஜகுமாரி(48), மேற்கு தெருவை சேர்ந்த பூங்கொடி(45), ஆகியோரின் வீடுகளில் சோதனை செய்தனர். அப்போது 2 பேரின் வீடுகளிலும் விற்பனை செய்வதற்காக மறைத்து வைக்கப்பட்டிருந்த மது பாட்டில்களை பறிமுதல் செய்தனர். மேலும் இது குறித்து காவல் துறையினர், வழக்குப்பதிவு செய்து ராஜகுமாரி, மற்றும் பூங்கொடி, ஆகியோரை கைது செய்து விசாரணை நடத்தி வருகின்றனர்.
