சென்னை : சென்னை புளியந்தோப்பு, பி.எஸ்., மூர்த்தி நகர், அம்பேத்கர் கல்லுாரி சாலையைச் சேர்ந்தவர் கோவிந்தராஜ், (25), இவர், நேற்று முன்தினம் இரவு, அதே பகுதியில், உள்ள மைதானத்தில் மதுவருந்த சென்றார். அப்போது, அங்கு மது அருந்தி கொண்டிருந்த, திரு.வி.க., நகரைச் சேர்ந்த, பழைய குற்றவாளி சரவணன், (22), அவரது நண்பர்கள் வேலு, (27), ஸ்டீபன், (27), ஆகியோருடன், கோவிந்தராஜுக்கு தகராறு ஏற்பட்டது. இதையடுத்து, சரவணன் அவரது நண்பர்ஆகியோர், கத்தியால் வெட்டியதில், கோவிந்த ராஜ் பலத்த காயமடைந்தார். தகவல் அறிந்த ஓட்டேரி காவல் துறையினர், அவரை ஸ்டான்லி அரசு மருத்துவமனையில் அனுமதித்தனர். இதையடுத்து, நேற்று, சரவணன் உட்பட மூவரையும் காவல் துறையினர், கைது செய்தனர்.
