தேனி : தேவதானப்பட்டி அருகே கெங்குவார்பட்டி, கல்லுப்பட்டி சின்னக்காமன் (42), டூவீலரில் மனைவி சோலையம்மாளுடன் (40), ஆண்டிபட்டியில் மாமியார் வீட்டிற்கு டூவீலரில் சென்றனர். காட்ரோடு பிரிவு வழியாக கெங்குவார்பட்டி செல்லும் போது, பின்னால் வந்த அடையாளம் தெரியாத வாகனம் மோதியதில், இருவரும் நிலை தடுமாறி கீழே விழுந்து காயமடைந்தனர்.
பெரியகுளம் அரசு மருத்துவனைக்கு சோலையம்மாள் கொண்டு செல்லப்பட்டார். பரிசோதனை செய்த டாக்டர், சோலையம்மாள் உயிரிழந்துவிட்டதாக தெரிவித்தார். விபத்து ஏற்படுத்திய அடையாளம் தெரியாத வாகனத்தை கண்காணிப்பு கேமரா உதவியுடன் தேவதானப்பட்டிகாவல் துறையினர், தேடும் பணியில் ஈடுபட்டுள்ளனர்.
