சென்னை : சென்னை மீனம்பாக்கம் பன்னாட்டு விமான நிலையத்துக்கு இலங்கையில், இருந்து விமானம் வந்தது. அதில் வந்தவர்களை விமான நிலைய சுங்க இலாகா அதிகாரிகள் தீவிரமாக கண்காணித்தனர். அப்போது இலங்கையை சேர்ந்த 2 பெண்களை சந்தேகத்தின் பேரில், நிறுத்தி விசாரித்தனர். இருவரும் முன்னுக்குபின் முரணாக பேசியதால் தனியறைக்கு அழைத்து சென்று பரிசோதனை செய்தனர். அதில் இருவரும் உள்ளடைக்குள் தங்கத்தை மறைத்து வைத்து கடத்தி வந்ததை கண்டுபிடித்தனர். 2 பேரிடம் இருந்தும் ரூ.47 லட்சத்து 25 ஆயிரம் மதிப்புள்ள 1 கிலோ 20 கிராம் தங்கத்தை பறிமுதல் செய்தனர். இது தொடர்பாக 2 பெண்களையும் கைது செய்து விசாரித்து வருகின்றனர்.
