சென்னை : துபாயிலிருந்து சென்னைக்கு, விமானத்தில், கடத்தி வரப்பட்ட 26 லட்சம் ரூபாய் மதிப்புள்ள தங்கத்தை, சுங்கத்துறை அதிகாரிகள், பறிமுதல் செய்தனர். துபாயில் இருந்து இண்டிகோ ஏர்லைன்ஸ் பயணியர் விமானம், நேற்று அதிகாலை 2:30 மணிக்கு, சென்னை விமானம் நிலையம் வந்தது. அதில் வந்த பயணியரை, சுங்க அதிகாரிகள் சோதனையிட்டனர். இதில், புதுக்கோட்டையைச் சேர்ந்த கோபாலசாமி, 61, என்பவரது பையில், இருந்த பெட்டியில், ‘ஸ்பேனர், ஸ்குரூ டிரைவர்’ மற்றும் சுத்தியல் உள்ளிட்டவை இருந்தன. அவற்றின் உட்பகுதிக்குள், தங்கம் மறைத்து வைத்திருந்ததை, அதிகாரிகள் கண்டுபிடித்தனர். அதில், 26 லட்சம் ரூபாய் மதிப்புள்ள, 555 கிராம் தங்கம் இருந்தது. அதை பறிமுதல் செய்த சுங்கத்துறை அதிகாரிகள், கோபாலசாமியை கைது செய்தனர்.
