சென்னை : சென்னை, ஆயிரம் விளக்கு பகுதியில், வசித்து வந்த மோகா (எ) மோகன் (23), என்பவர் நள்ளிரவு சுமார் 11.45 மணியளவில், புதுப்பேட்டை, ஐயாசாமி தெரு, குடிசைப்பகுதி அருகே நின்று கொண்டிருந்தபோது, சிறிது நேரத்தில் சுமார் 6 நபர்கள் மோகனை வழிமறித்து, கத்தியால் தாக்கி கொலை செய்துவிட்டு தப்பினர். தகவலறிந்து சம்பவ இடத்திற்கு வந்த எழும்பூர் காவல் நிலைய ஆய்வாளர் தலைமையிலான காவல் குழுவினர் பிரேதத்தை கைப்பற்றி மருத்துவமனைக்கு அனுப்பி வைத்து, மேற்படி சம்பவம் குறித்து கொலை உள்ளிட்ட பிரிவுகளில், வழக்குப் பதிவு செய்து விசாரணை மேற்கொள்ளப்பட்டது.
எழும்பூர் காவல் நிலைய ஆய்வாளர் தலைமையிலான காவல் குழுவினர் சம்பவ இடத்தில் ,தீவிர விசாரணை செய்து, மேற்படி கொலை சம்பவத்தில் ஈடுபட்ட 1) விக்ரம் (20), புதுப்பேட்டை 2) விக்னேஷ் (21), புதுப்பேட்டை, இவரது சகோதரர் 3) வெங்கடேஷ் (எ) யூடியூப் (20), 4) வசீகரன் (20), புதுப்பேட்டை ஆகிய 4 நபர்களை கைது செய்தனர். மேலும், மேற்படி சம்பவத்தில், தொடர்புடைய 17 வயது இளஞ்சிறார் பிடிபட்டார். எதிரிகளிடமிருந்து குற்றச் செயலுக்கு பயன்படுத்திய 2 கத்திகள் மற்றும் 1 இருசக்கர வாகனம் பறிமுதல் செய்யப்பட்டது. விசாரணையில் முன்விரோதம் காரணமாக மேற்படி கொலை சம்பவம் நடைபெற்றது தெரியவந்தது. மேலும், கைது செய்யப்பட்ட 4 நபர்கள் நீதிமன்றத்தில், ஆஜர்படுத்தப் பட்டனர், பிடிபட்ட இளஞ்சிறார், சிறுவர் நீதிமன்றத்தில் ஆஜர்படுத்தப்பட்டார்.
