மத்திய காவல் படைப்பிரிவுகளில் உதவி-ஆய்வாளர் பணிகளுக்கு 2 ஆயிரத்து 221 பேர் தேர்வு செய்யப்படுகிறார்கள். பட்டதாரிகள் இந்த பணிகளுக்கு விண்ணப்பிக்கலாம்.
இது பற்றிய விவரம் வருமாறு:-
மத்திய அரசுப் பணியாளர் தேர்வாணையங்களில் ஒன்றான ‘ஸ்டாப் செலக்சன் கமிஷன்’ (எஸ்.எஸ்.சி.) அமைப்பு, மத்திய காவலர் படைகளில் குறிப்பிட்ட பணியிடங்களை நிரப்ப அறிவிப்பு வெளியிட்டுள்ளது. டெல்லி காவல் மற்றும் மத்திய ஆயுதப்படைப் பிரிவில் ஆய்வாளர் பணியிடங்களையும், சி.ஐ.எஸ்.எப். படைப்பிரிவில் உதவி-ஆய்வாளர் பணியிடங்களையும் நிரப்ப விண்ணப்பம் கோரப்பட்டு உள்ளது. மொத்தம் 2 ஆயிரத்து 221 பேர் தேர்வு செய்யப் படுகிறார்கள்.
படைப்பிரிவு மற்றும் பணிப்பிரிவு வாரியான பணியிட விவரம் :
டெல்லி போலீசில் உதவி-ஆய்வாளர் (ஆண்கள்) – 616 இடங்கள், உதவி-ஆய்வாளர் (பெண்கள்) – 256, மத்திய ஆயுதப்படை உதவி-ஆய்வாளர் (ஆண்கள்) – 697, உதவி-ஆய்வாளர் (பெண்கள்) – 89, சி.ஐ.எஸ்.எப். படையில் உதவி உதவி-ஆய்வாளர் பணிகள் – 563.
இந்த பணிகளுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி பார்க்கலாம்…
வயது வரம்பு:
விண்ணப்பதாரர்கள் 1-1-2017-ந் தேதியில் 20 வயது முதல் 25 வயதுக்கு உட்பட்டவர்களாக இருக்க வேண்டும். ஓ.பி.சி. பிரிவினருக்கு 3 ஆண்டுகளும், எஸ்.சி., எஸ்.டி. பிரிவினருக்கு 5 ஆண்டுகளும் வயது வரம்பில் தளர்வு அனுமதிக்கப்படுகிறது.
கல்வித்தகுதி:
அங்கீகாரம் பெற்ற பல்கலைக்கழகத்தில் அல்லது கல்வி மையங்களில் குறைந்தபட்சம் ஏதேனும் ஒரு பிரிவில் பட்டப்படிப்பு படித்தவர்கள் இந்த பணிகளுக்கு விண்ணப்பிக்கலாம்.
தேர்வு செய்யும் முறை:
கணினி அடிப்படையிலான தேர்வின் மூலம் தகுதியானவர்கள் தேர்வு செய்யப்படுவார்கள்.
கட்டணம் :
விண்ணப்பதாரர்கள் ரூ.100 கட்டணம் செலுத்தி விண்ணப்பிக்க வேண்டும். எஸ்.சி., எஸ்.டி. பிரிவினர் மற்றும் மாற்றுத் திறனாளிகளுக்கு இந்த கட்டணம் கிடையாது.
விண்ணப்பிக்கும் முறை:
விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். விண்ணப்பம் பார்ட்-1, பார்ட்-2 என்ற இரு நிலைகளில் சமர்ப்பிக்க வேண்டும். பார்ட் – 1 விண்ணப்பத்தில் விவரங்களை நிரப்பி சமர்ப்பித்த பிறகு, கட்டணம் செலுத்த வேண்டும். பின்னர் பார்ட்-2 விண்ணப்ப பதிவை தொடங்க வேண்டும். தேவையான இடத்தில் புகைப்படம் மற்றும் கையெழுத்து ஆகியவற்றை பதிவேற்றம் செய்ய வேண்டும்.
முக்கியத் தேதிகள் :
விண்ணப்பிக்க கடைசி நாள் : 15-5-2017
கட்டணம் செலுத்த கடைசி நாள் : 18-5-2017
கணினி தேர்வு (பேப்பர்-1): 30-6-2017-ந் தேதி முதல் 7-7-2017-ந் தேதி
கணினி தேர்வு (பேப்பர்-2): 8-10-2017
விண்ணப்பிக்கவும், விரிவான விவரங்களை தெரிந்து கொள்ளவும் www.ssconline.nic.in என்ற இணையதள முகவரியைப் பார்க்கவும்.
