மது விற்ற, 11 பேர் கைது!

ஈரோடு :  ஈரோடு மாவட்டத்தில், சட்டவிரோதமாக மது விற்பனை செய்வதை தடுக்கும் வகையில்,  சட்டம் ஒழுங்கு மற்றும் மது விலக்கு பிரிவு காவல்துறையினர் , தீவிர சோதனையில் ஈடுபட்டு வருகிறார்கள். அதன்படி நேற்று முன்தினம் மாவட்டத்தில்,  மலையம்பாளையம், பவானிசாகர், வெள்ளோடு, கொடுமுடி, பங்களாபுதூர், பெருந்துறை, சிவகிரி, சென்னிமலை ஆகிய பகுதிகளில் காவல்துறையினர் , தீவிர சோதனை மேற்கொண்டதில்,  11 பேர் மது விற்பனையில் ஈடுபட்டது கண்டுபிடிக்கப்பட்டது. இதைத்தொடர்ந்துகாவல்துறையினர், வழக்குப்பதிவு செய்து 11 பேரையும் கைது செய்தனர். மேலும் அவர்களிடம் இருந்து,  108 மதுபான பாட்டில்களும் பறிமுதல் செய்யப்பட்டன.