மதுரை க்ரைம்ஸ்

 மதுரை :  ஜெய்ஹிந்த்  புறத்தில் வீட்டு வாசலில் நிறுத்தியிருந்த வைத்துவிட்டு மதுரை ஏப்ரல் 25 ஜெய்ஹிந்த்புரம், வீரகாளியம்மன் கோவில் தெருவை சேர்ந்தவர் மீனாட்சிசுந்தரம் (44 ),  இவரது வீட்டின் முன்பாக ரூபாய் 10 ஆயிரம் மதிப்புள்ள  பைக்கை நிறுத்தி  இருந்தார், இரவில் மர்ம ஆசாமி  அந்த  பைக்கில் ஏறி சென்றுவிட்டார். இந்த திருட்டு குறித்து மீனாட்சிசுந்தரம் ஜெய்ஹிந்துபுரம் போலீசில் புகார் செய்தார் போலீசார், வழக்குப்பதிவு செய்து திருட்டு ஆசாமியை தேடி வருகின்றனர்.
————————————-
சிம்மக்கல்லில் இளம்பெண்  சந்தேக மரணம் ,கொலையா தற்கொலையா போலீஸ் விசாரணை. மதுரை ஏப்ரல் 25 சிம்மக்கல் பகுதியில் இளம் பெண் சந்தேக  மரணம் அடைந்ததை தொடர்ந்து, அவர் கொலை செய்யப்பட்டாரா, அல்லது தற்கொலை செய்து கொண்டாரா, என்பது குறித்து போலீசார் விசாரணை நடத்தி வருகின்றனர்.
சிம்மக்கல் வி.பி.சதுக்கம், முதல் தெருவை  சேர்ந்தவர் மகேந்திரன் மனைவி நாகலட்சுமி (31),  இவரது கணவர் வீட்டார் அவரிடம்  நகை கேட்டு அடிக்கடி தொந்தரவு செய்ததாக கூறப்படுகிறது.

இதனால்  மனமுடைந்த  நாகலட்சுமி,  திடீரென்று வீட்டில்  இறந்து கிடந்தார்.  இதுகுறித்து நாகலட்சுமியின் அப்பா ரவி, திலகர்திடல் போலீசில் புகார் செய்தார்.  புகாரில் மகளின் மரணத்தில் சந்தேகம்  இருப்பதாக தெரிவித்திருந்தார்.   இதுகுறித்து போலீசார், வழக்குப்பதிவு செய்து  அவரது  சாவுக்கான  காரணம்  குறித்து விசாரணை நடத்தி வருகின்றனர்.
—————————————
மாட்டுத்தாவனி பேருந்து நிலையத்தில்,  காத்திருப்போர் அறையில் மூதாட்டி சாவு யார் அவர் எந்த ஊரைச் சேர்ந்தவர் போலீஸ் விசாரணை. மதுரை ஏப்ரல்  25 , மாட்டுத்தாவனி பேருந்து நிலையத்தில் பிளாட்பாரம்  நம்பர்  நான்கில் காத்திருப்போர் அறையில் (65), வயது  மதிக்கத்தக்க மூதாட்டி  ஒருவர்  இறந்து கிடந்தார். அவர் பஸ்ஸூக்காக காத்திருந்த போது உயிரிழந்த பயணியா,  அல்லது  யார் இவர் எந்த ஊரை சேர்ந்தவர் என்பது குறித்து சுகாதார மேற்பார்வையாளர் மலைச்சாமி கொடுத்த புகாரின் பேரில் மாட்டுத்தாவனி போலீசார் வழக்கு பதிவு செய்து விசாரணை நடத்தி வருகின்றனர்.
————————————-

ரேஸ்கோர்ஸ் அருகே  டிரான்ஸ்பார்மரில், பைக்  மோதி வாலிபர் பலி. மதுரை ஏப்ரல் 25, ரேஸ்கோர்ஸ்  அருகே டிரான்ஸ்பார்மரில் பைக் மோதி வாலிபர் பலியானார்.  கே.புதூர் செந்தில் குமரன் , தெருவைச் சேர்ந்தவர் அருள்பிரகாசம் மகன் பால் கிரிஸ்டோபர் (22),  இவர் ரேஸ்கோர்ஸ்  நுழைவுவாயில்  அருகே டூ வீலர் ஓட்டிச்சென்றார். அப்போது பைக்நிலை தடுமாறி, அங்கிருந்த  டிரான்ஸ்பார்மரில்  மோதியது.  இந்த விபத்தில் அவர் சம்பவ இடத்திலேயே பலியானார்.  இந்த விபத்து குறித்து போக்குவரத்து  புலனாய்வு பிரிவு  போலீசார் வழக்கு பதிவு செய்து விசாரணை நடத்தி வருகின்றனர்.

——————————————-

மனைவி  இறந்த  சோகத்தில் கணவர்  விஷம் குடித்து தற்கொலை மதுரை ஏப்ரல் 25 தெற்கு வாசலில் மனைவி இறந்த சோகத்தில் கணவர் விஷம் குடித்து தற்கொலை செய்து கொண்டார் . தெற்குவாசல் செட்டியூரணி, நான்காவது தெருவை  சேர்ந்தவர் நாகராஜன் (57),  இவருடைய மனைவி இறந்து விட்டார்.  இதனால் மனைவி இறந்த சோகத்தில் இருந்து வந்தார் நாகராஜன்,  இந்நிலையில்  வீட்டில் தனியாக இருந்தபோது விஷம் அருந்தி மயங்கி கிடந்தார்.

அவரை சிகிச்சைக்காக மதுரை அரசு மருத்துவமனையில் சேர்த்தனர்.  அங்கு சிகிச்சையில் இருந்தவர் சிகிச்சை பலனின்றி பரிதாபமாக உயிரிழந்தார்‌.  இவரது  தற்கொலை  குறித்து  மகன் கணேஷ்பாண்டி தெற்குவாசல் போலீசில் புகார் செய்தார். போலீசார் வழக்குப்பதிவு செய்து நாகராஜனின், தற்கொலைக்கான காரணம் குறித்து விசாரணை நடத்தி வருகின்றனர்.