மதுரை: கரி மேட்டில் பள்ளி அலுவலகத்துக்குள் புகுந்து சூறை மர்மகும்பல் வெறிச்செயல். மதுரை மார்ச் 22 கரிமேட்டில் பள்ளி அலுவலகத்திற்குள் புகுந்து சூறையாடிய மர்ம கும்பலை போலீசார் தேடி வருகின்றனர். கரிமேடு மேட்டுத்தெரு முனியாண்டி கோவில் தெருவில் மிடில் ஸ்கூல் ஒன்று உள்ளது. இந்த பள்ளியின் தலைமை ஆசிரியை சித்ரா. இவர் பள்ளியில் இருந்த போது திடீரென்று உள்ளே புகுந்த மர்ம கும்பல் அலுவலகத்தில் புகுந்து அடித்து நொறுக்கி சூறையாடி விட்டனர் . இந்த சம்பவத்தில் ரூபாய் 20 ஆயிரம் மதிப்புள்ள கம்ப்யூட்டர் கம்ப்யூட்டர் பாகங்கள் மற்றும் திரைப்படக் கருவி மின் விசிறி போன்ற பொருள்கள் சேதம் அடைந்துள்ளன.
இதுகுறித்து தலைமை ஆசிரியர் சித்ரா கொடுத்த புகாரின் பேரில் போலீசார் வழக்குப்பதிவு செய்து பள்ளிக்குள் புகுந்து சூறையாடிய மர்ம கும்பலை தேடி வருகின்றன. திருநகரில் வீடு புகுந்து கொலை மிரட்டல் விடுத்தவர் கைது. மதுரை மார்ச் 22 திரு நகர் மெயின் ரோட்டை சேர்ந்தவர் கதிரேசன் 52. அதே பகுதி மந்திதோப்பு மெயின் ரோட்டை சேர்ந்தவர் கருணாகரன் மகன் பிரகதீஸ்வரன்28 .இவர்களுக்குள் முன்விரோதம் இருந்து வந்தது. இந்த நிலையில் கதிரேசனின் வீட்டுக்குச் சென்ற பிரகதீஸ்வரை உருட்டுக்கட்டையை காட்டி ஆபாசமாக பேசி மிரட்டியுள்ளார்.
இந்த சம்பவம் குறித்து கதிரேசன் புகாரில் திரு நகர் போலீசார் வழக்கு பதிவு செய்து அவரை மிரட்டிய பிரகதீஸ்வரனை கைது செய்தனர்.மதிச்சியத்தில் ரத்தசோகை நோயால் அவதிப்பட்ட இளம் பெண் திடீர் சாவு. மதுரை மார்ச் 22 மதிச்சியம் வடக்கு தெருவை சேர்ந்தவர் ராஜ்குமார் மனைவி ஸ்டெல்லா 38. இவர் ரத்த குறைவு நோயால் பாதிக்கப்பட்டு நோய்வாய்பட்டிருந்தார். இவருக்கு திடீரென்று உடல் நலக்குறைவு ஏற்பட்டது. அவரை சிகிச்சைக்காக அரசு மருத்துவமனைக்கு கொண்டு சென்றனர். ஆனால் அவர் செல்லும் வழியிலேயே அவர் பரிதாபமாக உயிரிழந்தார் இவரது சாவு குறித்து மதிச்சியம் போலீசார் வழக்கு பதிவு செய்து விசாரணை நடத்தி வருகின்றனர்.
மதுரையிலிருந்து நமது நிருபர்
திரு.ரவி
