குண்டர் சட்டத்தில், 2 ரவுடிகள் கைது!
மதுரை : சிவகங்கை மாவட்டம், காரைக்குடி பர்மா காலனி வள்ளுவர் நகரை சேர்ந்தவர் ஆறுமுகம் மகன் சேதுபதி (22), மதுரை சம்மட்டிபுரம் பாரதியார் முதல் தெருவை சேர்ந்த மணிகண்டன் (19), இவர்கள் இருவரும் ரவுடிகள் ஆவார்கள். இவர்கள் எஸ் .எஸ் காலனி காவல் நிலைய எல்லைக்குட்பட்ட பகுதியில் , கொலை வழக்கில் இருவரும் கைது செய்யப்பட்டு சிறையில், அடைக்கப்பட்டுள்ளனர். இந்த நிலையில், இவர்களை காவல் ஆணையர், உத்தரவின் பேரில் , காவல் துறையினர், குண்டர் சட்டத்தில் கைது செய்தனர்.
வாலிபர் கைது!
தத்தனேரி மேல கைலாச புரத்தை சேர்ந்தவர் பாலமுருகன் என்ற சில்க் முருகன் (42), இவரிடம் வேலை பார்ப்பவர் தத்தநேரி அருள்தாஸ் புரத்தை சேர்ந்தவர் சொக்கன் என்ற முருகன் (50), இவர் தத்தனேரியில், குளியல் தொட்டி அருகே நின்று கொண்டிருந்தார். அப்போது அங்கு வந்த திருமங்கலம் கீழத் தெருவை சேர்ந்த அழகுராஜா மகன் கிடா என்ற அறிவழகன் (22), என்பவர் சொக்கனிடம் பிராந்தி கேட்டுள்ளார். இதற்கு அவர் மறுத்துவிட்டார். இதனால் ஆத்திரமடைந்த அறிவழகன்,சொக்கனை கத்தியால், குத்தி விட்டார். இந்த சம்பவம் குறித்து சொக்கனின் முதலாலி பாலமுருகன் செல்லூர் காவல் துறையில் , புகார் செய்தார். காவல் துறையினர், வழக்கு பதிவு செய்து கத்தியால், குத்திய அறிவழகனை கைது செய்தனர்.
ஒன்றரை வயது, பெண் குழந்தை பலி!
திருப்பாலை உச்சபரம்புமேடு ஏ.டி. காலனியை சேர்ந்தவர் மனோ. இவரது ஒன்றரை வயது மகள் அஸ்விதா .இவர் வீட்டின் படிக்கட்டில் திடீரென்று தவறி விழுந்து காயம் அடைந்தார். அவரை தனியார் மருத்துவமனையில், சிகிச்சைக்காக கொண்டு சென்றனர். அங்கு அவருக்கு சிகிச்சை அளித்து வீட்டிற்கு கொண்டு சென்றனர்.
பின்னர் திடீரென்று மாலை அந்த குழந்தை மயங்கி விழுந்தார். அவரை சிகிச்சைக்காக மதுரை அரசு மருத்துவமனையில், சேர்த்தனர். அங்கு சிகிச்சை பலனின்றி, ஒன்றரை வயது பெண் குழந்தை அஸ்விதா, பரிதாபமாக உயிரிழந்தார். இந்த சம்பவம் குறித்து திருப்பாலை காவல் துறையினர், வழக்குப்பதிவு செய்து பெண் குழந்தையின், சாவுக்கான காரணம் குறித்து விசாரணை நடத்தி வருகின்றனர்.
இரண்டு இருசக்கரவாகனங்கள், திருட்டு!
செல்லூர் சுயராஜ்ய புரம் மூன்றாவது தெருவை சேர்ந்தவர் பவுன்ராஜ் (41), இவர் தனது ரூ 10 ஆயிரம் மதிப்புள்ள பைக்கை தமுக்கம் மைதானம் கிழக்கு வாசல் அருகே நிறுத்தி இருந்தார். பின்னர் வந்து பார்த்த போது அந்த பைக்கை மர்ம ஆசாமி திருடி விட்டார். இந்த சம்பவம் குறித்து அவர் தல்லாகுளம் காவல் துறையில் , புகார் செய்தார்.
மதுரை சின்ன சொக்கிகுளம் சப்பானி கோவில், தெருவை சேர்ந்தவர் பாண்டியராஜன் மகன் தாமரைக்கண்ணன் (25), .இவர் தனக்கு சொந்தமான ரூ 50 ஆயிரம் மதிப்புள்ள பைக்கை அவுட்போஸ்ட் பாலம் அடியில், நிறுத்தி இருந்தார். அந்த பைக்கை மர்ம ஆசாமி திருடிச் சென்று விட்டார். இதுகுறித்து தாமரைக்கண்ணன் தல்லாகுளம் காவல் துறையில் , புகார் செய்தார். காவல் துறையினர், வழக்குப்பதிவு செய்து திருட்டு ஆசாமிகளை தேடி வருகின்றனர்.
மதுபாட்டில் விற்றவர் கைது!
மதிச்சியம் காவல் ஆய்வாளர் திரு. சுந்தரம், இவர் ரோந்து பணியில், ஈடுபட்டிருந்தபோது ஆழ்வார்புரம் மூங்கில், கடை தெருவில், டாஸ்மாக் கடைக்கு முன்பாக சட்டவிரோதமாக ஒருவர் மதுபாட்டில், விற்றுக் கொண்டிருந்தார். அவரிடமிருந்து 8 பிராந்தி பாட்டில்களை பறிமுதல் செய்தனர். பின்னர் அவரிடம் விசாரித்தபோது அவர் முனிச்சாலை இஸ்மாயில்புரம் 12வது சந்துவை சேர்ந்த ரங்கசாமி (53), என்று தெரிய வந்தது. அவரை கைது செய்தனர்.
மதுரையிலிருந்து நமது நிருபர்
திரு.ரவி
