சந்தேகத்தில் தாக்குதல், கணவர் கைது!
மதுரை : மிளகரணை மந்தை தெருவை சேர்ந்தவர் அருண்குமார் மனைவி கீர்த்திகா (24), அருண்குமாருக்கு குடிப்பழக்கம் உள்ளது. இவர் மனைவி மீது சந்தேகம் அடைந்து தினமும் குடித்துவிட்டு வந்து தகராறு செய்வதை வழக்கமாக கொண்டுள்ளார். இந்த நிலையில், சம்பவத்தன்று குடிபோதையில் வந்து மனைவியை சந்தேகித்து அவரை ஆபாசமாக பேசி மறைத்து வைத்திருந்த கத்தியால், தாக்கியுள்ளார். இந்த சம்பவம் குறித்து கீர்த்திகா கூடல்புதூர் காவல் துறையில், புகார் செய்தார். காவல் துறையினர், வழக்குப்பதிவுசெய்து மனைவியை தாக்கிய கணவர் அருண்குமாரை கைது செய்தனர்.
தடை செய்யப்பட்ட பொருட்கள் விற்பனை, கடைக்காரர் கைது!
விளக்குத்தூண் காவல் உதவி ஆய்வாளர் திரு. ரமேஷ், லட்சுமிபுரம் 6-வது தெருவில் ரோந்து பணியில் ஈடுபட்டிருந்தார். அப்போது அங்கு கடை ஒன்றில் தடை செய்யப்பட்ட புகையிலை பொருட்கள் விற்பனை செய்வதை கண்டு பிடித்தார். இதனால் அவர் அந்த கடையின் உரிமையாளர் ஜனார்த்தனனை கைது செய்து அவரிடமிருந்த புகையிலை பாக்கெட்டுகளை பறிமுதல் செய்தார்.
பணம் வைத்து சூதாட்டம், 6 பேர் கைது!
தவர் ராஜேஷ் குமார் (32), இவர் நண்பர்களுடன் வீட்டில் பணம் வைத்துக் கொண்டிருந்தார். அப்போது அங்கு ரோந்து பணியில், சென்ற செல்லூர் காவல் உதவி ஆய்வாளர் திரு. ரீகன், அவர்களை சுற்றிவளைத்து பிடித்து ராஜேஷ் குமார் உள்பட அவருடன் சூதாடிய 6 பேரை கைது செய்தார்.அவர்களிடமிருந்து, சீட்டு கட்டுகளையும், சூதாடிய பணம் ரூ 2610 ஐயும் பறிமுதல் செய்தார்.
இருசக்கர வாகனம் திருட்டு!
பழங்காநத்தம் பசும்பொன் நகரை சேர்ந்தவர் மருதுபாண்டியன் (54), இவர் தேனி மெயின் ரோட்டில், உள்ள ஒரு திருமண மண்டபத்தில், நடந்த திருமண விழாவிற்கு சென்றிருந்தார் .அவர்தான் ஓட்டிச் சென்ற பைக்கை மண்டபம் முன்பாக நிறுத்திவிட்டு சென்றிருந்தார். பின்னர் அவர் திரும்பி வந்து பார்த்தபோது அந்த பைக்கை மர்ம ஆசாமி திருடிச் சென்றுவிட்டார் .இந்த சம்பவம் குறித்து மருதுபாண்டியன் கரிமேடு காவல் துறையில்,, புகார் செய்தார். காவல் துறையினர், வழக்கு பதிவு செய்து பைக் திருடிய ஆசாமியை தேடி வருகின்றனர்.
மதுரையிலிருந்து நமது நிருபர்
திரு.ரவி
