மதுரை : கத்தி முனையில் வழிப்பறி!
வில்லாபுரம் கிழக்கு பகுதியை சேர்ந்தவர் செல்லமுத்து மகன் பிரபு (22), இவர் அவனியாபுரம் அம்பேத்கர் தெரு சந்திப்பில், சென்றபோது அவரை வழிமறித்து கத்திமுனையில், மிரட்டி சக்கிமங்கலம் ஆசாரிய காலனியை சேர்ந்த மணிகண்டன் என்ற ஆசாரி மணி (27), சிவகங்கை மாவட்டம் பெரிய சிலைமானை சேர்ந்த சண்முகம் மகன் தினகரன் என்ற தீனா (20), இருவரும் கத்திமுனையில், மிரட்டி பிரபுவிடம் இருந்து ரூபாய் ஆயிரத்தை வழிப்பறி செய்து விட்டனர். இந்த சம்பவம் குறித்து பிரபு கொடுத்த புகாரின் பேரில் கீரைத்துரை காவல் துறையினர், வழக்கு பதிவு செய்து மணிகண்டன் என்ற ஆசாரி மணி, தினகரன், என்ற தீனா, இருவரையும் கைது செய்தனர்.
மற்றொரு வழிப்பறி
ஜெய்ஹிந்த்புரம் பாரதியார் ரோட்டை சேர்ந்தவர் சோனைமுத்து மகன் சத்யநாராயணன் (26), இவர் அவனியாபுரம் அருப்புக்கோட்டை மெயின் ரோடு எம் எம் சி காலனி சந்திப்பில் சென்றபோது கல்மேடு பகுதியைச் சேர்ந்த கருப்பசாமி மகன் ஆதிஸ்வரன் 21, சிலைமானை சேர்ந்த முருகக் கடவுள் மகன் அருண்குமார் என்ற கீரி 19 இருவரும் அவரை கத்திமுனையில் மிரட்டி அவரிடமிருந்து ரூ 2350ஐ வழிப்பறி செய்து விட்டனர். இந்த சம்பவம் குறித்து சத்யநாராயணன் கொடுத்த புகாரில் அவனியாபுரம் காவல் துறையினர், வழக்கு பதிவு செய்து ஆதீஸ்வரன்,அருண்குமார், இருவரையும் கைது செய்தனர்.
2 பெண்களிடம், செயின் பறிப்பு!
சிக்கந்தர் சாவடி சுசி காலனியை சேர்ந்தவர் மாரியம்மாள்(57), இவர் கூடல் நகர் மெயின் ரோட்டில், சென்று கொண்டு இருந்தார். அப்போது டூவீலரில் வந்த 2 ஆசாமிகள் அவர் அணிந்திருந்த ஒன்றேகால் பவுன் சங்கிலியை பறித்து சென்று விட்டனர். இந்த சம்பவம் குறித்து மாரியம்மாள் கூடல்புதூர் காவல் துறையில், புகார் செய்தார். காவல் துறையினர், வழக்கு பதிவு செய்து அவரிடம் செயின் பறித்த பைக் ஆசாமிகளை தேடி வருகின்றனர்.
மற்றொரு செயின் பறிப்பு
மகாத்மா காந்தி நகர் பவானிநதிதெருவை சேர்ந்தவர் நாகசாமி மனைவி உமா மகேஸ்வரி (44), இவர் சின்ன சொக்கிகுளம் ஜவஹர் தெருவில், சென்ற போது அடையாளம் தெரியாத நபர் அவர் அணிந்திருந்த 3 பவுன் தாலிச் சங்கிலியை பறித்து ஓடிவிட்டார். இந்த சம்பவம் குறித்து உமாமகேஸ்வரி தல்லாகுளம் காவல் துறையில், புகார் செய்தார். காவல் துறையினர், வழக்குப்பதிவுசெய்து அவரிடம் செயின்பறித்த ஆசாமியை தேடி வருகின்றனர்.
கார் மோதி முதியவர் பலி!
கருப்பாயூரணி மெயின் ரோட்டை சேர்ந்தவர் சேதுராமன் (64), இவர் பாண்டி கோவில் ரிங் ரோட்டில் பைக்கில், சென்று கொண்டிருந்தார். அப்போது திண்டுக்கல் மாவட்டம் தெற்கு ஆத்தூரை சேர்ந்த அண்ணாமலை என்பவர் ஓட்டி வந்த கார் அவர் மீது மோதி விபத்தானது. இந்த விபத்தில், சேதுராமன் சம்பவ இடத்திலேயே பலியானார். இந்த விபத்து குறித்து போக்குவரத்து புலனாய்வு பிரிவு காவல் துறையினர், , வழக்கு பதிவு செய்து விசாரணை நடத்தி வருகின்றனர்.
கஞ்சாவுடன், 2 வாலிபர்கள் கைது!
எஸ் எஸ் காலனி உதவி ஆய்வாளர் திருமதி. பேரரசி, இவர் கோச்சடை மெயின்ரோட்டில், ரோந்துப் பணியில் ஈடுபட்டிருந்தார் அப்போது சந்தேகப்படும்படி நின்ற 2 வாலிபர்களை பிடித்து விசாரித்து சோதனை செய்தார். சோதனையின் போது அவர்கள் ஒரு கிலோ 100 கிராம் கஞ்சாவை மறைத்து வைத்து விற்பனை செய்தது தெரிய வந்தது. அவற்றை பறிமுதல், செய்து பின்னர் அவர்களிடம் விசாரணை செய்தார். விசாரணையில் , விருதுநகர் மாவட்டம் பாறைப்பட்டியை சேர்ந்த முருகக்கடவுள் மகன் அரவிந்த் குமார் (20), குறிஞ்சி நகரை சேர்ந்த கருப்பு என்று தெரியவந்தது. அவர்களை கைது செய்தார்.
மதுரையிலிருந்து நமது நிருபர்
திரு.ரவி
