மதுரை : மதுரை அருகே கரடிக்கல் அனுப்பா பட்டியை சேர்ந்தவர் படித்துரை (41), இவர் ஆட்டோ ஓட்டி வருகிறார். சம்பவத்தன்று திருமங்கலத்தில், இருந்து செக்கானூரணி செல்லும் சாலையில், ஆட்டோ ஓட்டி சென்றார். ஆட்டோ ஓம்சக்தி கோவில் அருகே சென்றபோது ஆட்டோவில், பிரேக் பிடிக்கவில்லை. இதனால் கட்டுப்பாட்டை இழந்த ஆட்டோ சாலையோரமாக இருந்த மரத்தின் மீது மோதி விபத்துக்குள்ளானது. இந்த விபத்தில் டிரைவர் படித்துரை படுகாயம் அடைந்து சம்பவ இடத்திலேயே பலியானார். இந்த விபத்து குறித்து ஆஸ்டின்நட்டி காவல் துறையினர், வழக்குப்பதிவு செய்து விசாரணை நடத்தி வருகின்றனர்.
வாகன விபத்தில், வாலிபர் பலி!
மதுரைஅருகே எம். சத்திரப்பட்டியை சேர்ந்தவர் திருப்பதி மகன் முத்து பாண்டி (22), இவர் பொய்கைக் கரைபட்டியிலிருந்து சத்திரப்பட்டி செல்லும் சாலையில், சென்றுபோது பைக் டயர் வெடித்து கட்டுப்பாட்டை இழந்தது. இதில் சாலையோரமாக நின்றிருந்த மின்கம்பத்தில், மோதி விபத்தானது. இந்த விபத்தில் பலமாக அடிபட்டு பைக் ஓட்டிச் சென்ற வாலிபர் முத்துப்பாண்டி சம்பவ இடத்திலேயே பலியானார். இந்த விபத்து குறித்து அவருடைய அப்பா திருப்பதி கொடுத்த புகாரில் அப்பன்திருப்பதி காவல் துறையினர், வழக்கு பதிவு செய்து விபத்துகுறித்து விசாரணை நடத்தி வருகின்றனர்.
ஆனையூர் மேற்கு தெருவை சேர்ந்தவர் கனகராஜ் மகன் மணிகண்டன் (30), இவர்ர ஆனையூர் மெயின் ரோடு செல்லையா நகர் 3வது தெருவில்பைக்கை ஓட்டிச் சென்றார். அப்போது பைக் கட்டுப்பாட்டை இழந்து, தாறுமாறாக ஓடி விபத்தானது. இதில் பைக்கில், இருந்து தவறி விழுந்த மணிகண்டனுக்கு பலமாக அடிபட்டு சம்பவ இடத்திலேயே பலியானார். இந்த விபத்து குறித்து போக்குவரத்து புலனாய்வு பிரிவு காவல் துறையினர், வழக்கு பதிவு செய்து விசாரணை நடத்தி வருகின்றனர்.
வயிற்று வலியால், வாலிபர் தற்கொலை!
வண்டியூர் அனுமார் பட்டி பிள்ளையார் கோவில், தெருவை சேர்ந்தவர் ஜெயராமன் மகன் பாலமுருகன் (31), இவர் திடீர் வயிற்று வலியால் அவதிப்பட்டு வந்தார். வலி தாங்க முடியாமல் தற்கொலை செய்ய முடிவு செய்து விஷம் குடித்து மயங்கி கிடந்தார். அவரை சிகிச்சைக்காக மதுரை அரசு மருத்துவமனையில், சேர்த்தனர். அங்கு சிகிச்சை பலனின்றி பரிதாபமாக பாலமுருகன் உயிரிழந்தார். இதுகுறித்து தம்பி சிவகுருநாதன் அண்ணாநகர் காவல் நிலையத்தில், புகார் செய்தார். காவல் துறையினர், வழக்குப்பதிவு செய்து பாலமுருகனின், சாவுக்கான காரணம் குறித்து விசாரணை நடத்தி வருகின்றனர்.
முதியவரிடம் செல்போன் பறிப்பு!
துரைசாமி நகர், சஞ்சீவ் மெயின் ரோடு ஷாலினி தெருவை சேர்ந்தவர் பாஸ்கரன் (66), இவர் அந்த பகுதியில், நடந்து சென்றபோது வாலிபர்கள் 2 பேர் அவரிடம் இருந்து ரூபாய் 8 ஆயிரம் மதிப்புள்ள செல்போனை பறித்து சென்று விட்டனர். இந்த சம்பவம் குறித்து எஸ்.எஸ்.காலனி காவல் துறையினர், வழக்கு பதிவு செய்து செலபோன் பறித்த ஆசாமிகளை தேடி வருகின்றனர்.
தங்க சங்கிலி பறிப்பு, மர்ம நபருக்கு வலை!
சம்மட்டிபுரம் தில்லை நகரை சேர்ந்தவர் மகேஸ்வரி (57), இவர் மிட்லண்ட் தியேட்டர் அருகே நடந்து சென்று கொண்டிருந்தார். அப்போது அந்த வழியாக சென்ற மர்ம ஆசாமிகள், இரண்டுபேர் அவர் அணிந்திருந்த ஒன்பதரை பவுன் தங்க சங்கிலியை பறித்து ஓடிச்சென்றுசென்று விட்டனர். இந்த சம்பவம் குறித்து மகேஸ்வரி எஸ். எஸ் .காலனி காவலில், புகார் செய்தார். காவல் துறையினர், வழக்குப்பதிவு செய்து அவரிடம் செயின் பறித்த ஆசாமிகளை தேடி வருகின்றனர்.
போதையில் மனைவி, கட்டையால் அடித்து கொலை!
ஜெயந்திபுரம் சுந்தரராஜபுரம் எல்.எல்.ஆர். ரோட்டை சேர்ந்தவர் சதீஷ்குமார் மனைவி சித்ரா (27), கணவர் சதீஷ்குமாருக்கு குடிப்பழக்கம் இருந்தது. தினமும் குடித்துவிட்டு வீட்டுக்கு வருவதாக கூறப்படுகிறது. இதனால் மனைவிக்கும் கணவருக்கும் இடையே அடிக்கடி தகராறு வந்தது. இந்த நிலையில், நேற்று நள்ளிரவில் குடிபோதையில் வந்த கணவன் மனைவியிடம் தகராறு செய்துள்ளார்.
இதில் அவர்களுக்குள் மீண்டும் வாக்குவாதம் ஏற்பட்டது . இந்த சம்பவத்தில், ஆத்திரமடைந்த கணவர் சதீஷ்குமார் கட்டையை எடுத்து மனைவியை சரமாரியாக தாக்கியிருக்கிறார்.இதில் பலமாக அடிபட்டு மனைவி சித்திரா சம்பவ இடத்திலேயே பலியானார். இந்த சம்பவம் குறித்து தகவல் அறிந்த ஜெய்ஹிந்த்புரம் காவல் துறையினர், வழக்குப்பதிவு செய்து மனைவியை கொலை செய்த கணவர் சதீஷ்குமாரை, கைது செய்தனர்.
மதுரையிலிருந்து நமது நிருபர்
திரு.ரவி
