மதுரை : ஆழ்வார்புரம் மருதங்குளத்தை சேர்ந்தவர் ஹரிஹரன் (45), இவர் ஆட்டோ ஓட்டி வருகிறார். ஆழ்வார்புரத்தில் ஸ்டாண்டில் ஆட்டோவை நிறுத்தி இருந்த போது மூன்றுபேர் ஆட்டோவில், ஏற்றிச் செல்லும் படி கூறியிருக்கின்றனர். இதற்கு அவர் மறுத்து இருக்கிறார். இதனால் ஆத்திரமடைந்த அந்த நபர்கள் டஓட்டுநரை, சரமாரியாக தாக்கியுள்ளனர். இந்த சம்பவம் குறித்து ஹரிஹரன் கொடுத்த புகாரில் மதிச்சியம் காவல் துறையினர், வழக்கு பதிவு செய்து அவரை தாக்கிய புளியந்தோப்பு ஆர்.ஆர் மண்டபத்தைச் சேர்ந்த கார்த்திக் (25), அதே பகுதியை சேர்ந்த அழகு பாண்டி (23), சீனி முகம்மது மகன் சதாம் உசேன் (22), ஆகிய மூவரையும் காவல் துறையினர், கைது செய்தனர்.
முதியவர் தற்கொலை!
வில்லாபுரம் மீனாட்சி நகர் காளியம்மன் கோவில், தெருவைச் சேர்ந்தவர் மூர்த்தி (62), இவர் சில தினங்களாக மன உளைச்சலில் இருந்து வந்துள்ளார். இந்த நிலையில் வீட்டில், தனியாக இருந்தபோது தூக்கு போட்டு தற்கொலை செய்து கொண்டார். இந்த சம்பவம் குறித்து அவனியாபுரம் காவல் துறையினர், வழக்கு பதிவு செய்து அவரது தற்கொலைக்கான காரணம் குறித்து விசாரணை நடத்தி வருகின்றனர்.
விஷம் குடித்து தற்கொலை!
பழங்காநத்தம் முத்துமாரியம்மன் கோவில், தெரு வடக்கு தெருவை சேர்ந்தவர் நாகசித்ரா (22), இவர் சில தினங்களாக மன அழுத்தத்தில் இருந்து வந்துள்ளார். இந்த நிலையில் சம்பவத்தன்று வீட்டில் விஷம் குடித்து மயங்கி கிடந்தார். உயிருக்கு ஆபத்தான நிலையில், அவரை சிகிச்சைக்காக மதுரை அரசு மருத்துவமனையில் சேர்த்தனர். அங்கு சிகிச்சையில் இருந்தபோதே சிகிச்சை பலனின்றி பரிதாபமாக உயிரிழந்தார். இந்த சம்பவம் குறித்து அவரின் தந்தை ஆறுமுகம் கொடுத்த புகாரில், சுப்பிரமணியபுரம் காவல் துறையினர், வழக்கு பதிவு செய்து அவரது தற்கொலைக்கான காரணம் குறித்து விசாரணை நடத்தி வருகின்றனர்.
அலங்காநல்லூர் கல்லலாணையை சேர்ந்த பிரவீன்குமார் (29), இவர் கூடல் நகர் பாலத்தின் அடியில், விஷம் குடித்து இறந்து கிடந்தார். சம்பவம் குறித்து மனைவி ரேவதி செல்லூர் காவல் துறையில் புகார் செய்தார். காவல் துறையினர், வழக்குப்பதிவு செய்து, அவரது தற்கொலைக்கான காரணம் குறித்து விசாரணை நடத்தி வருகின்றனர் .
பேருந்தை சேதபடுத்திய, வாலிபர் கைது
எச்.எம்.எஸ் காலனி தேனி மெயின் ரோட்டில், சென்று கொண்டிருந்த அரசு பேருந்து, மீது வாலிபர் ஒருவர் கல்வீசி தாக்கினார். இந்த தாக்குதலில் பேருந்தின் பின்பக்க கண்ணாடி உடைந்தது. இந்த சம்பவம் குறித்து திருமங்கலம் தாலுகா ஆலம்பட்டி கரிசல்பட்டியை சேர்ந்த மகாலிங்கம் கொடுத்த புகாரில், எஸ் எஸ் காலனி காவல் துறையினர் , வழக்கு பதிவு செய்து விசாரணை நடத்தினர். விசாரணையில், எஸ்.எம்.எஸ். காலனியை சேர்ந்த ஜெயச்சந்திரன் மகன் பிரசாந்த் குமார் (22), என்பவர் கல்வீசி தாக்கியது தெரிய வந்தது. அவரை காவல் துறையினர் ,கைது செய்தனர்.
மர்ம ஆசாமியின் கைவரிசை!
வடக்குமாசி வீதியை சேர்ந்தவர் விஜயலட்சுமி (65), சம்பவத்தன்று இவர் வீடு புகுந்த மர்ம ஆசாமி வீட்டில் பீரோவில் வைத்திருந்த ஒன்றேகால் பவுன் சங்கிலி,கால்கிராம்மூக்குத்தி மற்றும் பணம் ரூ 20ஆயிரத்தை திருடிச் சென்று விட்டார் .இந்த சம்பவம் குறித்து விஜயலட்சுமி விளக்குத்தூண் காவலில், புகார் செய்தார். காவல் துறையினர், வழக்குப்பதிவு செய்து நகை பணம் திருடிய ஆசாமியை தேடி வருகின்றனர்.
இருசக்கர வாகனம் திருட்டு!
சிவகங்கை மாவட்டம், நெற்குப்பை வடுகபட்டியை சேர்ந்த கௌதம் (21), இவர் அழகர் கோவில் மைன் ரோடு திருப்பாலை கடச்சநேந்தலில், உள்ள ஒரு திருமண மண்டபத்தின் முன்பாக ரூபாய் 40 ஆயிரம் மதிப்புள்ள பைக்கை நிறுத்தி இருந்தார் .பின்னர் அவர் திரும்பி வந்து பார்த்தபோது அந்த பைக்கை மர்ம ஆசாமி திருடி சென்று விட்டார். இந்த சம்பவம் குறித்து அவர் திருப்பாலை காவலில், புகார் செய்தார். காவல் துறையினர், வழக்குப்பதிவு செய்து பைக் திருடிய ஆசாமியை தேடி வருகின்றனர்.
மதுரையிலிருந்து நமது நிருபர்
திரு.ரவி
