மதுரை : மதுரை மாவட்டம் காடுபட்டி , முள்ளிப்பள்ளம் பகுதியை சேர்ந்த, சந்தீப்ராஜ் (32), இவர் ஆவின் நகரில் உள்ள குடிநீர் தயாரிப்பு நிறுவனத்தில் லாரி ஓட்டுனராக, வேலை பார்த்து வருகிறார். சம்பவத்தன்று இரவு இவர் லாரியை கம்பெனிக்கு ஓட்டி வந்தார். அப்போது அலுவலக வாயிலில், 4 பேர் கொண்ட கும்பல் பிறந்தநாள் கேக் வெட்டி கொண்டாடி கொண்டிருந்தனர். அவர்களை அங்கிருந்து, செல்லுமாறு சந்தீப்ராஜ், கூறியுள்ளார். இதனால் ஆத்திரம் அடைந்த 4 பேரும் அவரை, இரும்பு கம்பியால் தாக்கியதில், அவரது மண்டை உடைந்தது.
உடனே அவரை அருகில் இருந்தவர்கள் மீட்டு மருத்துவமனையில், சேர்த்தனர். இந்த சம்பவம் தொடர்பாக அண்ணாநகர், காவல் துறையினர் , வழக்குப்பதிவு செய்து சந்தீப்ராஜை, தாக்கிய பாலாஜி நகர் பிரதீப் குமார் (24), ஆவின் நகர் ஆஷிக் ராஜா (26), யாகப்பா நகர், வைகை வீதி லோகேஷ் (22), ஜெயப்பிரகாஷ், ஆகியோரை தேடி வந்தனர். இந்த நிலையில் வண்டியூர் சுடுகாட்டு, பகுதியில் பதுங்கியிருந்த அவர்கள் 4 பேரையும், காவல் துறையினர் , கைது செய்தனர். மேலும் லோகேசிடமிருந்து 3 கிலோ கஞ்சாவை காவல் துறையினர் , பறிமுதல் செய்தனர்.
மதுரையிலிருந்து நமது நிருபர்
திரு.ரவி
