சென்னை: மாதவரம் காவல் மாவட்டத்தில் 3 ½ வயது பெண் குழந்தையிடம் பாலியல் சீண்டல்களில் ஈடுபட்ட மோகன்தாஸ் (எ) நவீன்குமார் என்பவர் மாதவரம் அனைத்து மகளிர் காவல் குழுவினரால் போக்சோ சட்டத்தில் கைது. Madhavaram AWPS police arrested Mohandas @ Naveenkumar under POCSO Act for sexually harassing a 3 ½ year old child. சென்னை, மாதவரம் காவல் மாவட்டத்தில் வசித்து வரும் பெற்றோர் கடந்த 09.03.2022 அன்று மதியம் அவரது 3 ½ வயது மகள் மற்றும் 5 வயது மகனை, அவரது உறவினர் வீட்டில் விட்டு, வேலைக்கு சென்றுள்ளார். அப்போது, குழந்தைக்கு தெரிந்த நபரான மோகன்தாஸ் என்பவர் மேற்படி 3½ வயது பெண் குழந்தையிடம் பாலியல் சீண்டல்களில் ஈடுபட்டுள்ளார். இது குறித்து குழந்தை, அவரது தாயாரிடம் கூறவே, குழந்தையின் தாயார், மாதவரம் அனைத்து மகளிர் காவல் நிலையத்தில் புகார் கொடுத்ததின்பேரில் விசாரணை மேற்கொள்ளப்பட்டது.
மாதவரம் அனைத்து மகளிர் காவல் நிலைய ஆய்வாளர் தலைமையிலான காவல் குழுவினர் விசாரணை செய்ததில், மோகன்தாஸ் என்பவர் மேற்படி வீட்டில் இருந்த 3½ வயது குழந்தையை விளையாடுவதற்காக தனி அறைக்கு அழைத்துச் சென்று, பாலியல் சீண்டல்களில் ஈடுபட்டது தெரியவந்தது.அதன்பேரில் போக்சோ உள்ளிட்ட சட்டப்பிரிவுகளில் வழக்குப் பதிவு செய்து, எதிரி மோகன்தாஸ் (எ) நவீன்குமார் (வ/31) மாதவரம் என்பவரை காவல் குழுவினர் கைது செய்தனர். மேற்படி எதிரி மீது நீதிமன்ற நடவடிக்கை மேற்கொள்ளப்பட்டு வருகிறது.
