திண்டுக்கல்: தேசிய அளவிலான எறிபந்து போட்டியில் திண்டுக்கல் வித்யா பார்த்தி பள்ளி மாணவன் சாதனை படைத்துள்ளார்.டெல்லியில் நடைபெற்ற தேசிய அளவிலான 43 வது சீனியர் எறிபந்து போட்டியில் தமிழக மகளிர் மற்றும் ஆடவர் அணி பங்கேற்றது. இதில் தமிழக மகளிர் அணி இரண்டாம் இடத்தையும், ஆடவர் அணி மூன்றாம் இடத்தையும் பிடித்து வாகை சூடியது. இதில் வித்யா பார்த்தி பள்ளி மாணவன் S.அன்பு தமிழக ஆடவர் அணியில் இடம் பெற்று நமது பள்ளிக்கும் நமது மாவட்டத்திற்கும் பெருமை சேர்த்துள்ளார். தமிழகத்துக்கும், பள்ளிக்கும் பெருமை சேர்த்த மாணவனை பள்ளி தாளாளர் கிருஷ்ணமூர்த்தி, தமிழக எறிபந்து கழகத்தில் மாவட்ட தலைவர் ரமேஷ், செயலாளர் மணிகண்டன், உடற்கல்வி ஆசிரியர்கள் மருது பாண்டியன், மணிகண்டன், சீனிவாசன் உட்பட பலர் பாராட்டி வாழ்த்து தெரிவித்தனர்.
திண்டுக்கல்லில் இருந்து நமது குடியுரிமை நிருபர்.
திரு.அழகுராஜா
