விருதுநகர் : விருதுநகர் மாவட்டம், மனுநூல் நிலைய வாசகர் வட்டம், மற்றும் சிவானந்த யோகாலயம் சார்பாக மனுநூல் நிலைய நிறுவனர் பரதன் எழுதிய காரியாபட்டி ”வட்டார மண்ணின் பெருமை” என்ற நூலை தமிழக அரசு தமிழ் வளர்ச்சி துறை சிறந்த நூலாக தேர்ந்தெடுத்து, விருது வழங்கியமைக்காகவும், காரியாபட்டி பகுதியில் பல்வேறு சமூக பணிகளை செய்துவரும் நூலாசிரியர் திரு. பரதனுக்கு, பாராட்டு விழா நடத்தப்பட்டது. விழாவில், காரியாபட்டி காவல் நிலைய காவல் உதவி ஆய்வாளர் திரு. பா.அசோக் குமார், பரதனுக்கு நினைவு பரிசு வழங்கி பாராட்டி பேசினார். அருப்புக்கோட்டை பிரம்மகுமாரிகள் ஆன்மிக இயக்க நிர்வாகி திரு. செல்வக்குமார், ஓய்வு பெற்ற ஆசிரியர் திரு. கருப்பணன், ஓய்வு பெற்ற வட்டார வளர்ச்சி அலுவலர் பகிரதன் , அமெரிக்காவில் பணிபுரியும் திரு. மோகனசுந்தரம் , திரு. பிரகாஷ் உட்பட பலர் வாழ்த்தி பேசினார்கள். சிவானந்தா யோகாலயா ஆசிரியர் திரு. ராமலிங்கம் நன்றி கூறினார்.
மதுரையிலிருந்து நமது நிருபர்
திரு.ரவி
