திருநெல்வேலி மாவட்டம்: நெல்லை மாநகரம் சந்திப்பு குறுக்குத்துறை சாலையில் கோவிலுக்கு சென்ற குடும்பத்தாரிடம் குடிபோதையில் தகராறில் ஈடுபட்ட நான்கு பேர் கைது. நெல்லை மாநகரம் சந்திப்பு காவல் நிலைய எல்லைக்குட்பட்ட குறுக்குத்துறை சாலையில் உள்ள இசக்கி அம்மன் கோவிலுக்கு, பாளையங்கோட்டை சாந்தி நகரைச் சேர்ந்த சுரேஷ் (31) என்பவர் தனது மனைவி மற்றும் மருமகனுடன் 12-03-2022 ம் தேதியன்று, சாமி கும்பிட சென்றபோது கோவிலின் பின்புறம் உள்ள வயல்வெளியில் குடி போதையில் இருந்த டவுன் வயல் தெருவை சேர்ந்த இசக்கி ராஜா (23), .
சங்கர் கணேஷ்(26), டவுன் மாட தெருவை சேர்ந்த மகேஷ் ராஜா (26),டவுன் அபிராமி நகரை சேர்ந்த சுகில் (26) ஆகிய நான்கு பேர் சேர்ந்து சுரேஷை வழிமறித்து நீ யார் எனக் கேட்டு தகராறு செய்து மனுதாரர் சுரேஷ் அவரது மருமகன் மற்றும் அவரது மனைவி ஆகியோரை அவதூறாக பேசியும் கையால் தாக்கியதாக சுரேஷ் கொடுத்த புகாரின் பேரில் வழக்குப்பதிவு செய்த சந்திப்பு காவல் உதவி ஆய்வாளர் திரு.மரிய பிரான்சிஸ் சேவியர் அவர்கள் மற்றும் போலீசார் வழக்கு பதிவு செய்து, எதிரிகள் நான்கு பேரை கைது செய்து சிறையில் அடைத்தார்கள்.
