திருப்பூர் : திருப்பூர் அடுத்த ஈட்டிவீரம்பாளையம் ஊராட்சி, முட்டியங் கிணறு பகுதியை சேர்ந்தவர் பிரித்விராஜ், (20), பனியன் தொழிலாளி. கடந்த ஏப்., 29 ம் தேதி, வேலை முடிந்து இரவு வீட்டுக்கு சென்றபோது, இருசக்கர வாகனத்தில், வந்த 4 பேர் கொண்ட கும்பல் அவரை தாக்கி அவரிடம் இருந்த மொபைல்போனை பறித்து சென்றனர்.
பெருமாநல்லுார் ஊராட்சி, மொய்யாம்பாளையம் பகுதியை சேர்ந்தவர் சிவக்குமார், (29), நேற்று முன்தினம் அப்பகுதியில், நடந்து சென்றபோது 4 பேர் கொண்ட கும்பல் அவரை தாக்கி அவரிடம் இருந்த 200 ரூபாயை பறித்து சென்றனர். இரு சம்பவங்கள் தொடர்பாக,பெருமாநல்லுார் காவல் துறையினர் , வழக்கு பதிவு செய்து, திருட்டில் ஈடுபட்ட பல்லடம் குன்னாங்கல்பாளையம் காமராஜ், (23), சொக்கனுார் நவீன்குமார், (19), பெருமாநல்லுார் மைக்கேல், (20), திருப்பூர் புதிய பேருந்து நிலையம் பகுதியை சேர்ந்த கவின், (22), ஆகிய 4 பேரை கைது செய்து சிறையில், அடைத்தனர்.
மதுரையிலிருந்து நமது நிருபர்
திரு.ரவி
