தீக்குளித்து தற்கொலை!
கோவை : பி.என்.புதுார் முல்லை நகரை சேர்ந்தவர் பார்வதி, (45), கணவரை பிரிந்த இவர், தனியாக வசித்து வந்தார். கடந்த, 2021ல் கழுத்தை அறுத்துக் கொண்டும், சாணிப்பவுடர் குடித்தும் தற்கொலைக்கு முயற்சித்தார். அப்போது அருகில் இருந்தவர்கள் காப்பாற்றி விட்டனர். இரண்டு நாட்களுக்கு முன், தன் மீது கெரோசின் ஊற்றி தீப்பற்ற வைத்துக் கொண்டார். அலறல் சத்தம் கேட்டவர்கள், பார்வதியை கோவை அரசு மருத்துவமனையில், சேர்த்தனர். அங்கு அவர் சிகிச்சை பலனின்றி இறந்தார். ஆர்.எஸ்.புரம் காவல் துறையினர் .விசாரிக்கின்றனர்.
ஆயுள் கைதி மரணம்!
நாமக்கல் மாவட்டம், எருமப்பட்டியை சேர்ந்த கனகராஜ், (63), கொலை வழக்கில் ஆயுள் தண்டனை விதிக்கப்பட்டு கோவை மத்திய சிறையில் அடைக்கப்பட்டிருந்தார். உடல் நலக்குறைவால் பாதிக்கப்பட்ட அவர், கோவை அரசு மருத்துவமனையில் சேர்க்கப்பட்டார். அங்கு சிகிச்சை பலனின்றி இறந்தார். ஜெயிலர் சிவராஜன் புகார்படி ரேஸ்கோர்ஸ் காவல் துறையினர் , விசாரிக்கின்றனர்.
வாகனம் திருடியவர் கைது!
கோவை ஆதி எலக்ட்ரிக் வாகன ஷோரூம் மேலாளர் முருகேசன், ஆர்.எஸ்.புரம் காவல் துறையில், தங்களிடம் வேலை பார்த்த ரஞ்சித் குமார், (22), எலக்ட்ரிக் வாகனத்தை திருடிச்சென்றதாக புகார் தெரிவித்திருந்தார். விசாரித்த காவல் துறையினர், ரஞ்சித் குமாரை கைது செய்து, வாகனத்தை பறிமுதல் செய்தனர்.
கோவையிலிருந்து நமது குடியுரிமை நிருபர்
A. கோகுல்
