செங்கல்பட்டு : செங்கல்பட்டு கூடுவாஞ்சேரி அருகே உள்ள குத்தனூர் எம்.ஜி.ஆர். தெரு பகுதியில், உள்ள ஒரு வீட்டின் பின்புறம் திருட்டுத்தனமாக மது விற்பதாக கூடுவாஞ்சேரி மதுவிலக்கு காவல் துறையினருக்கு, தகவல் கிடைத்தது. இதனையடுத்து சம்பவ இடத்திற்கு காவல் துறையினர், விரைந்து சென்று பார்த்தபோது அங்கு வீட்டின் பின்புறம் திருட்டுத்தனமாக மது விற்று கொண்டிருப்பது தெரியவந்தது. திருட்டுத்தனமாக மது விற்றுக்கொண்டிருந்த மகேஸ்வரி (31), என்பவரை காவல் துறையினர், கைது செய்து அவரிடமிருந்து 12 மது பாட்டில்களை காவல் துறையினர், பறிமுதல் செய்தனர். இதுகுறித்து கூடுவாஞ்சேரி மதுவிலக்கு காவல் துறையினர், வழக்குப்பதிவு செய்து விசாரித்து வருகின்றனர்.
