சென்னை: மதுரவாயல் பகுதியில் டிப்பர் லாரி திருடிய 3 நபர்கள், மதுரவாயல் காவல் குழுவினரால் கைது. டிப்பர் லாரி கைப்பற்றப்பட்டது.Madhuravoyal Police arrested 3 persons who stole a tipper lorry, and recovered the vehicle. சென்னை, வானகரம் பகுதியில் வசித்து வரும் செல்வம் (வ/49) என்பவர் கடந்த 08.03.2022 அன்று இரவு தனது டிப்பர் லாரியை தனது வீட்டின் அருகில் நிறுத்தி விட்டு மறுநாள் 09.03.2022 காலை பார்த்தபோது, மேற்படி டிப்பர் லாரியை யாரோ திருடிச் சென்றது தெரியவந்தது. இது குறித்து செல்வம் மதுரவாயல் காவல் நிலையத்தில் புகார் கொடுத்ததின்பேரில், வழக்குப் பதிவு செய்து விசாரணை மேற்கொள்ளப்பட்டது.
மதுரவாயல் காவல் நிலைய குற்றப்பிரிவு ஆய்வாளர் தலைமையிலான காவல் குழுவினர் சம்பவயிடத்திற்கு சென்று விசாரணை செய்தும், சம்பவயிடத்தின் அருகில் பொருத்தப்பட்டிருந்த சிசிடிவி கேமரா பதிவுகளை ஆய்வு செய்தும், குற்றவாளிகளின் அடையாளங்களை வைத்து, தீவிர தேடுதலில் ஈடுபட்டு, மேற்படி குற்ற சம்பவத்தில் ஈடுபட்ட 1) குட்டி மோகன் (எ) மோகன் (வ/33) எண்ணூர் 2) சிலம்பரசன் (வ/32) அம்பத்தூர் 3) பொன்முருகன் (வ/50) அம்பத்தூர் ஆகிய மூன்று நபர்களை கைது செய்தனர். அவர்களிடமிருந்து 1 டிப்பர் லாரி கைப்பற்றப்பட்டது. மேற்படி எதிரிகள் மீது நீதிமன்ற நடவடிக்கை மேற்கொள்ளப்பட்டு வருகிறது.
