சென்னை: மெரினா கடற்கரை பகுதியில் பீர்பாட்டிலை காட்டி வாலிபரை மிரட்டி 2 செல்போன்கள் மற்றும் பணம் ரூ.700/- பறித்துச் சென்ற 2 நபர்கள் அண்ணா சதுக்கம் காவல் குழுவினரால் கைது. செல்போன்கள் மற்றும் பணம் ரூ.700/- கைப்பற்றப்பட்டது . Anna Square Police arrested 2 persons for extortion with a beer bottle and snatched mobile phones and cash . Mobile phones and cash Rs.700/- were recovered. இராமநாதபுரம் மாவட்டத்தை சேர்ந்த மனோகரன் (வ/23) என்பவர் சென்னையில் தங்கி வேலை செய்து வருகிறார். மனோகரன் 12.03.2022 அன்று இரவு மெரினா கடற்கரையை சுற்றிப் பார்க்க சென்றிருந்தபோது, அங்கு வந்த 2 நபர்கள், மேற்படி ம னோகரனை பீர் பாட்டிலை காட்டி குத்திவிடுவதாக மிரட்டி, அவர் வைத்திருந்த 2 செல்போன்கள் மற்றும் பணம் ரூ.700/-ஐ பறித்துக் கொண்டு தப்பிச் சென்றனர்.
இது குறித்து மனோகரன், D-6 அண்ணா சதுக்கம் காவல் நிலையத்தில் புகார் கொடுத்ததின்பேரில், வழக்குப் பதிவு செய்து விசாரணை மேற்கொள்ளப்பட்டது. D-6 அண்ணா சதுக்கம் காவல் நிலைய குற்றப்பிரிவு ஆய்வாளர் தலைமையிலான காவல் குழுவினர் விசாரணை செய்து, மேற்படி புகார்தாரரை மிரட்டி, செல்போன் மற்றும் பணம் பறித்துச் சென்ற 1.அசோக் (வ/21), திருவள்ளூர் மாவட்டம், 2.சஞ்சய் (வ/19) திருவள்ளூர் மாவட்டம் ஆகிய 2 நபர்களை கைது செய்தனர். அவர்களிடமிருந்து புகார்தாரரின் 2 செல்போன்கள் மற்றும் பணம் ரூ.700/- மீட்கப்பட்டது.
மேற்படி கைது செய்யப்பட்ட எதிரிகள் மீது நீதிமன்ற நடவடிக்கை மேற்கொள்ளப்பட்டு வருகிறது.
