சென்னை: பிராட்வே பகுதியில் சாதிக் என்பவரை கத்தியால் தாக்கிய பக்கிரி என்பவர் எஸ்பிளனேடு காவல் குழுவினரால் கைது. 1 கத்தி கைப்பற்றப்பட்டது. Esplanade Police arrested Pakkiri for stabbing Sadiq with knife at Broadway. The knife was seized.சென்னை, புளியந்தோப்பு பகுதியில் வசிக்கும் சாதிக் (வ/30) என்பவர், டெய்லர் வேலை செய்து வருகிறார். சாதிக் 10.03.2022 அன்று இரவு சுமார் 11.00 மணியளவில் வேலை முடித்து வீட்டிற்கு செல்ல பிராட்வே, குறளகம் சந்திப்பு அருகே நடந்து சென்றபோது, அப்பகுதியைச் சேர்ந்த நபர் சாதிக்கை வழிமறித்து, தகராறு செய்தபோது, வாக்குவாதம் ஏற்பட்டதில், அந்த நபர் தான் மறைத்து வைத்திருந்த கத்தியை எடுத்து சாதிக்கை தாக்கியுள்ளார். சாதிக் சத்தம் போடவே, அருகிலிருந்தவர்கள் சாதிக்கை மீட்டு மருத்துவமனையில் சேர்த்ததின்பேரில், அவருக்கு சிகிச்சை அளிக்கப்பட்டது.
சிகிச்சை பெற்ற சாதிக் மேற்படி சம்பவம் குறித்து கொடுத்த புகாரின்பேரில், எஸ்பிளனேடு காவல் நிலையத்தில் வழக்குப் பதிவு செய்யப்பட்டது. எஸ்பிளனேடு காவல் நிலைய ஆய்வாளர் தலைமையிலான காவல் குழுவினர் சம்பவ இடத்தில் விசாரணை செய்து, மேற்படி குற்ற சம்பவத்தில் ஈடுபட்ட பக்கிரி (வ/42) பிராட்வே என்பவரை கைது செய்தனர். அவரிடமிருந்து 1 கத்தி கைப்பற்றப்பட்டது. மேற்படி எதிரி மீது நீதிமன்ற நடவடிக்கை மேற்கொள்ளப்பட்டு வருகிறது.
