சென்னை: புளியந்தோப்பு பகுதியில் கத்தியை காட்டி மிரட்டி பணம் கேட்டு தாக்கிய சரித்திர பதிவேடு குற்றவாளி லொடாங்கு சீனு (எ) சீனிவாசன் புளியந்தோப்பு காவல் குழுவினரால் கைது. Pulianthope Police arrested history sheeted rowdy Lodangu Seenu @ Srinivasan attempted extortion of a person at knife point.சென்னை, புளியந்தோப்பு, பகுதியில் வசித்து வரும் பாபு (வ/40) என்பவர் புளியந்தோப்பு ஆட்டுத் தொட்டியில் கூலி வேலை செய்து வருகிறார். பாபு 10.03.2022 அன்று அதிகாலை வேலை முடித்து விட்டு டாக்டர். அம்பேத்கர் சாலை, ஆட்டுதொட்டி பஸ் நிறுத்தம் அருகே நடந்து சென்றபோது, அங்கு வந்த லொடாங்கு சீனு (எ) சீனிவாசன் பணம் கேட்டு பாபுவிடம் வீண்தகராறு செய்து, கத்தியை காட்டி மிரட்டியள்ளார். மேலும் அவரை கையால் தாக்கியுள்ளார். இது குறித்து பாபு புளியந்தோப்பு காவல் நிலையத்தில் கொடுத்த புகாரின் பேரில் வழக்கு பதிவு செய்து விசாரணை மேற்கொள்ளப்பட்டது.
புளியந்தோப்பு காவல் நிலைய ஆய்வாளர் தலைமையிலான காவல் குழுவினர் சம்பவயிடத்திற்கு சென்று விசாரணை செய்து, மேற்படி புகார்தாரரை மிரட்டி தாக்கிய சரித்திர பதிவேடு குற்றவாளி லொடாங்கு சீனு (எ) சீனிவாசன் (வ/22) கண்ணிகாபுரம் என்பவரை கைது செய்தனர். விசாரணையில், மேற்படி குற்ற சம்பவத்தில் ஈடுபட்ட லொடாங்கு சீனு (எ) சீனிவாசன் புளியந்தோப்பு காவல் நிலைய சரித்திரப்பதிவேடு குற்றவாளி என்பதும், இவர் மீது 2 வழிபறி வழக்குகள் உட்பட 5 வழக்குகள் உள்ளது தெரியவந்தது. மேற்படி எதிரி மீது நீதிமன்ற நடவடிக்கை மேற்கொள்ளப்பட்டு வருகிறது.
