சென்னை: கோட்டூர்புரம் பகுதியில் உள்ள ஓட்டலில் வாலிபரை தாக்கிய 3 நபர்கள், கோட்டூர்புரம் காவல் குழுவினரால் கைது. Kotturpuram Police arrested 3 persons for assaulting a person in a hotel. சென்னை, அடையார், பகுதியில் வசித்து வரும் ஹாலித்பைசல், என்பவர் கடந்த 25.03.2022 அன்று இரவு 10.45 மணியளவில் கோட்டூர்புரம் பகுதியில் உள்ள பிரியாணி கடையில் சாப்பிட்டுவிட்டு கைகழுவ சென்ற போது, வழியில் நின்று கொண்டிருந்த 3 நபர்களை சற்று தள்ளி நில்லுங்கள் என்று கூறியுள்ளார். உடனே மேற்படி 3 நபர்களும் மேற்படி ஹாலித் பைசல் என்பவரிடம் வீண் தகராறு செய்து வாக்குவாதத்தில் ஈடுபட்டுள்ளனர். மேலும் ஓட்டலில் இருந்த சில்வர் ஜக்கை எடுத்து ஹாலித் பைசலின் தலையில் தாக்கிவிட்டு அங்கிருந்து தப்பியுள்ளனர்.
இரத்த காயமடைந்த ஹாலித் பைசல் அருகில் உள்ள மருத்துவமனையில் அனுமதிக்கப்பட்டு சிகிச்சை பெற்று இது குறித்து J-4 கோட்டூர்புரம் காவல் நிலையத்தில் கொடுத்த புகாரின் பேரில் வழக்கு பதிவு செய்து விசாரணை செய்யப்பட்டது. J-4 கோட்டூர்புரம் காவல் நிலைய போலீசார் விசாரணை செய்து மேற்படி வழக்கில் சம்பந்தப்பட்ட 1.முரளி, (வ/27), கோட்டூர்புரம், 2.முருகன், (வ/27) தரமணி, 3.காதர் மொய்தீன், (வ/27) தரமணி, ஆகிய மூவரை கைது செய்தனர். கைது செய்யப்பட்ட மேற்படி மூவரும் நீதிமன்றத்தில் ஆஜர் செய்யப்பட்டு நீதிமன்ற உத்தரவுப்படி சிறையில் அடைக்கப்பட்டனர்.
