திருநெல்வேலி: திருநெல்வேலி மாவட்ட காவல் கண்காணிப்பாளர் திரு.சரவணன், இ.கா.ப., அவர்கள் தலைமையில் 21.03.2022-ம் தேதி இன்று அம்பாசமுத்திரம் உட்கோட்ட காவல் அதிகாரிகளுக்கு ஆலோசனை கூட்டம் நடைபெற்றது. இதில் அம்பாசமுத்திரம் உட்கோட்ட துணை காவல் கண்காணிப்பாளர் திரு.பிரான்ஸிஸ், அவர்கள், காவல் ஆய்வாளர்கள், சார்பு ஆய்வாளர்கள் மற்றும் கலந்துகொண்டனர். இக்கூட்டத்தில் புலன் விசாரணையில் உள்ள வழக்குகள், நீண்டகால நிலுவையில் உள்ள வழக்குகள், நிறைவேற்றப்பட வேண்டிய பிடியாணைகள், பொது அமைதிக்கு பங்கம் விளைவிக்கும் நபர்கள் மீது மேற்கொள்ளப்பட வேண்டிய நடவடிக்கைகள் மற்றும் சாலை விபத்துகளை குறைப்பது போன்றவை குறித்து விவாதிக்கப்பட்டு காவல் கண்காணிப்பாளர் அவர்களால் அறிவுரை வழங்கப்பட்டது.
மேலும் கடந்த மாதம் நடைபெற்ற நகர்புற உள்ளாட்சி தேர்தலில் சிறப்பாக பணிபுரிந்த காவல் ஆய்வாளர்கள், உதவி ஆய்வாளர்களை மாவட்ட காவல் கண்காணிப்பாளர் அவர்கள் பாராட்டி கேடயம் மற்றும் நற்சான்றிதழ் வழங்கினார்.
மேலும் கூட்டத்தில் கலந்து கொண்ட காவல்துறையினரிடம் போதைப்பொருட்கள் கடத்தல் மற்றும் கஞ்சா விற்பனை ஈடுபடும் நபர்கள் மீது கடும் நடவடிக்கை மேற்கொள்ளவும் மாவட்ட காவல் கண்காணிப்பாளர் திரு.சரவணன், இ.கா.ப.,அவர்கள் அறிவுறுத்தினார்கள்.
