திருநெல்வேலி: சாலையில் கிடந்த மணி பர்ஸ்சை உரிய நபரிடம் ஒப்படைத்த நபருக்கு காவல் ஆய்வாளர் அவர்கள் பாராட்டு. 21.03.2022 திருநெல்வேலி மாவட்டம்,வள்ளியூர் பஜாரில் இன்று குமாரபுதுக்குடியிருப்பைச் சேர்ந்த ராஜசேகர்(36), என்பவர் பொருட்கள் வாங்க சென்று கொண்டிருந்த போது கீழே கிடந்த மணிபர்ஸை எடுத்தார். அதனை உரிய நபரிடம் ஒப்படைக்கும் நோக்கத்தில் வள்ளியூர் காவல் நிலையத்திற்கு வந்து வள்ளியூர் காவல் ஆய்வாளர் திரு.சாகுல் ஹமீது அவர்களிடம் ஒப்படைத்தார்.
பின்பு விசாரணை செய்ததில் மணிபர்ஸ் வள்ளியூரை சேர்ந்த ஆண்டோரின்செல் என்பவருடையது என தெரியவந்தது. பின் மணிபர்சை தவற விட்ட நபரை காவல் நிலையம் வரவழைத்து அவருக்கு காவல் ஆய்வாளர் திரு.சாகுல் ஹமீது, அவர்கள் தகுந்த அறிவுரைகள் மற்றும் ஆலோசனைகள் வழங்கி மணிபர்ஸ்சை ஒப்படைத்தார். கீழே கிடந்த மணி பர்சை உரிய நபரிடம் ஒப்படைக்கும் நோக்கத்துடன் எடுத்துவந்த ராஜசேகரின் நற்செயலை கண்ட வள்ளியூர் காவல் ஆய்வாளர் அவர்கள் ராஜசேகருக்கு பொன்னாடை அணிவித்து கௌரவித்தார்.
