திருவண்ணாமலை : திருவண்ணாமலை தென்றல் நகரில் கடந்த 20.10.2021 ஆம் தேதி வீட்டை உடைத்து திருடிய வழக்கில் அப்போதைய கீழ்பெண்ணாத்தூர் காவல் ஆய்வாளர் தற்போது கடலாடி காவல் ஆய்வாளர் திரு.R.லட்சுமிபதி அவர்களின் தலைமையிலான காவல்துறையினர் சிறப்பாக புலன் விசாரணை செய்து வழக்கில் சம்பந்தப்பட்ட எதிரிகளான 1)ஜெயக்குமார், வயது 39, த/பெ. சின்னப்பன், தாங்கல் கிராமம், ராணிப்பேட்டை தாலுகா மற்றும் மாவட்டம் 2)வேலு, வயது 37, த/பெ.கிருஷ்ணமூர்த்தி, கீழையூர் கிராமம், காட்பாடி தாலுகா, வேலூர் மாவட்டம் என்பவர்களை கைதுசெய்து திருடு போன 25 சவரன் தங்க நகைகளை பறிமுதல் செய்தனர்.
மேலும் கடலாடி காவல்நிலைய எல்லைக்குட்பட்ட காஞ்சி காமராஜ் நகர் டாஸ்மாக்கில் வழிப்பறி செய்த வழக்கில் மங்கலம் காவல் உதவி ஆய்வாளர் திரு.சத்யாநந்தன் தலைமையிலான காவல்துறையினர் சிறப்பாக புலன் விசாரணை செய்து சம்பந்தப்பட்ட எதிரிகளான 1)மணிகண்டன், வயது 21, ஆலத்தூர் கிராமம், செங்கம் தாலுக்கா 2)இசக்கி பாண்டி, வயது 23, சேரன்குளம், தூத்துக்குடி மாவட்டம் என்பவர்களை கைது செய்தனர்.
மேலும் ஜமுனாமரத்தூர் தாலுக்கா வீரப்பனூர் கிராமத்தைச் சேர்ந்த திருப்பதி, வயது 40 என்பவர் கடந்த 12.07.2018 ஆம் தேதி காணாமல் போனதாக ஜமுனாமரத்தூர் காவல் நிலையத்தில் பதிவு செய்யப்பட்ட வழக்கு நீண்ட காலமாக நிலுவையில் இருந்த நிலையில் ஜமுனாமரத்தூர் உதவி ஆய்வாளர் திரு.முருகன் அவர்களின் தலைமையிலான காவல்துறையினர் சிறப்பாக புலன் விசாரணை செய்து காணாமல் போன திருப்பதியை கொலை செய்த மணி @ ராமசாமி, வயது 32 த/பெ.கோவிந்தன், பலாக்கானூர் கிராமம், ஜமுனாமரத்தூர் தாலுக்கா என்பவரை கைது செய்து நீதிமன்ற காவலுக்கு அனுப்பினர்.
மேலும் செங்கம் காவல் நிலைய எல்லைக்குட்பட்ட செங்கம் அரசு மருத்துவமனைக்கு எதிரில் ஓய்வு பெற்ற அரசு ஊழியரிடம் 3 லட்சம் கொள்ளையடித்த வழக்கில் அப்போதைய கண்ணமங்கலம் காவல் ஆய்வாளர் தற்போது ராணிப்பேட்டை மாவட்ட தனிப்பிரிவு காவல் ஆய்வாளர் திரு.சசிகுமார் அவர்களின் தலைமையிலான காவல்துறையினர் சிறப்பாக புலன் விசாரணை செய்து இதில் சம்பந்தப்பட்ட எதிரிகளான 1)அங்கையா, வயது 18,த/பெ. பாபு O.G.குப்பம், கௌத்திபுரம் அஞ்சல், நகரி தாலுக்கா, சித்தூர் மாவட்டம் 2)கோவிந்தராஜலு, வயது 38, த/பெ.சுப்பிரமணி, OG குப்பம், நகரி தாலுக்கா, சித்தூர் மாவட்டம் என்பவர்களை கைது செய்து அவர்களிடமிருந்து மூன்று லட்ச ரூபாய் பறிமுதல் செய்தனர்.
இவர்களின் மெச்சத் தகுந்த பணியை பாராட்டி இன்று 17.03.2022-ந் தேதி வேலூர் சரக அலுவலகத்தில் நடைபெற்ற நிகழ்வில் தமிழக தலைமை காவல் துறை இயக்குனர் திரு.C.சைலேந்திரபாபு,இ.கா.ப., அவர்கள் பாராட்டுச் சான்றிதழ் வழங்கி பாராட்டினார். மேலும் இவர்களை சிறப்பான முறையில் வழிநடத்திய திருவண்ணாமலை மாவட்ட காவல் கண்காணிப்பாளர் திரு.அ.பவன் குமார்,இ.கா.ப., அவர்களுக்கு தமிழக தலைமை காவல் துறை இயக்குனர் அவர்கள் பாராட்டு சான்றிதழ் வழங்கி பாராட்டு தெரிவித்தார். இந்நிகழ்வில் வேலூர் சரக காவல்துறை துணைத் தலைவர் டாக்டர்.Z.ஆனி விஜயா,இ.கா.ப., அவர்கள் உடன் இருந்தார்.
xதிருவண்ணாமலை மாவட்டத்திலிருந்து நமது நிருபர்
திரு.தாமோதரன்
Share
